పంజాబ్ నేషనల్ బ్యాంక్ కుంభకోణం నిందితుడు, వజ్రాల వ్యాపారి నీరవ్ మోదీకి లండన్లోని వెస్ట్మినిస్టర్ కోర్టు బెయిల్ నిరాకరించింది. ఆయనకు విధించిన రిమాండ్ను మే 24 వరకు వాయిదా వేసింది. అక్రమ ఎల్ఓయూల ద్వారా భారతీయ బ్యాంకులను రూ. 13 వేల కోట్ల మేర మోసగించినట్లు నీరవ్ అభియోగాలు ఎదుర్కొంటున్నారు. ఈ కుంభకోణం వెలుగులోకి వచ్చేసరికి ఆయన లండన్ పరారయ్యారు. మార్చిలో లండన్ బ్యాంకులో ఖాతా తెరిచేందుకు వెళ్లిన నీరవ్ మోదీని పోలీసులు అరెస్టు చేశారు.
