Movies

తెలుగులో వెలిగేందుకు…

Shruthi Hassan Returns To Tollywood After A Two Year Break

దాదాపు రెండేళ్లుగా తెలుగు చిత్రసీమకు దూరంగా ఉంటున్నది తమిళ సోయగం శృతిహాసన్. కాటమరాయుడు తర్వాత ఆమె మరే తెలుగు చిత్రంలోనూ నటించలేదు. లండన్‌కు చెందిన థియేటర్ ఆర్టిస్టు మైఖేల్ కోర్సెల్‌తో ప్రేమాయణం కారణంగా ఈ సొగసరి సినిమాలకు విరామాన్ని ప్రకటించింది. ఇటీవలే ఈ జంట విడిపోయారు. అనుకోని మనస్పర్థల వల్ల తాను శృతిహాసన్ ప్రేమకు వీడ్కోలు చెప్పానని సోషల్‌మీడియా ద్వారా ప్రకటించాడు మైఖేల్ కోర్సెల్. విఫల ప్రేమబంధం నుంచి తేరుకుంటున్న శృతిహాసస్ ఇక సినిమాలపై దృష్టిపెట్టాలని నిర్ణయించుకుందట. రవితేజ సరసన ఈ అమ్మడు ఓ చిత్రంలో నటించబోతున్నదని వార్తలు వినిపిస్తున్నాయి. వివరాల్లోకి వెళితే..గతంలో రవితేజతో డాన్‌శీను బలుపు చిత్రాల్ని రూపొందించారు దర్శకుడు గోపీచంద్ మలినేని. వీరిద్దరి కలయిలో మరో చిత్రం తెరకెక్కనుంది. ప్రస్తుతం ఈ సినిమాకు సంబంధించిన పూర్వ నిర్మాణ కార్యక్రమాలు జరుగుతున్నాయి. ఈ సినిమాలో శృతిహాసన్‌ను కథానాయికగా ఖరారు చేశారని తెలిసింది. సెప్టెంబర్‌లో ఈ సినిమా సెట్స్‌మీదకు వెళ్లనుంది.