బాలీవుడ్‌లో అనుష్క శర్మ నటించిన ‘ఎన్‌హెచ్‌ 10’ చిత్రం తమిళ రీమేక్‌ ‘గర్జనై’. ఇందులో త్రిష ప్రధాన పాత్ర పోషిస్తున్నారు. సుందర్‌బాలు దర్శకత్వం వహిస్తున్నారు.వంశీకృష్ణ, మధుమిత, శ్రీరంజిని, వడివుక్కరసిలు నటించారు. రెండేళ్ల క్రితమే ఈ సినిమా చిత్రీకరణ ప్రారంభమైనప్పటికీ ఇంకా విడుదలకు నోచుకోలేదు. వాస్తవానికి తమిళనాట జల్లికట్టుకు మద్దతుగా చెన్నై మెరీనా తీరంలో పెద్ద ఎత్తున ఆందోళన జరిగినప్పుడే ఈ సినిమా చిత్రీకరణ జరుగుతుండేది. అప్పుడు ‘పెటా’కు మద్దతుగా త్రిష వ్యవహరించడంతో ఈ సినిమా చిత్రీకరణను ఆందోళనకారులు అడ్డుకున్నారు. కొన్నిరోజుల పాటు చిత్రీకరణ కూడా ఆగిపోయింది. చివరకు షూటింగ్‌ పూర్తయినప్పటికీ సినిమా మాత్రం విడుదల కాలేదు. ఈ నేపథ్యంలో ఈ సినిమా విడుదల హక్కులను ఎస్‌టీసీ ఫిక్చర్స్‌ సంస్థ కొనుగోలు చేసింది. వీలైనంత త్వరలోనే విడుదల చేయనున్నట్లు సంబంధిత వర్గాలు ప్రకటించాయి. త్రిష ఇమేజ్‌ను ‘గర్జనై’ మరింత పెంచుతుందని దర్శకుడు సుందర్‌బాలు చెబుతున్నారు. ఈ చిత్రానికి అమ్రీష్‌ సంగీతం సమకూర్చారు.
