[Video] భాయి బస్కీలకు భద్రతా సిబ్బంది సాయం

బాలీవుడ్‌ కండల వీరుడు సల్మాన్‌ ఖాన్‌ తన జిమ్‌ వీడియోతో నెటిజన్లను ఆశ్చర్యానికి గురి చేశారు. తన ఇద్దరు బాడీగార్డులను లెగ్‌ మెషిన్‌పై కూర్చోబెట్టి వ్యాయామం చేశారు. ఈ సందర్భంగా తీసిన వీడియోను సల్లూభాయ్‌ ఇన్‌స్టాగ్రామ్‌లో షేర్‌ చేశారు. ‘సంతోషం, బాధల్ని దాటిన తర్వాత నా సెక్యూరిటీ చివరికి నాతో తామెంత జాగ్రత్తగా ఉన్నామనే విషయాన్ని అర్థం చేసుకున్నారు. హ హ..’ అని పోస్ట్‌ చేశారు. సల్మాన్‌ మెషిన్‌ బరువును మాత్రమే కాకుండా బాడీగార్డుల బరువు కూడా కాళ్లతో లిఫ్‌ చేయడంతో నెటిజన్లు షాక్‌ అయ్యారు. వీడియోకు తెగ కామెంట్లు చేశారు. ‘భాయ్‌ నీకు సాటిలేరు, వావ్‌, జాగ్రత్త..’ అంటూ పోస్ట్‌లు చేశారు. ఈ వీడియోను 13 గంటల్లో దాదాపు 27 లక్షల మందికిపైగా వీక్షించారు. 10.5 వేల మంది లైక్‌ చేశారు. సల్మాన్‌ ఇటీవల ‘భారత్‌’ సినిమాతో ప్రేక్షకుల ముందుకు వచ్చారు. అలీ అబ్బాస్‌ జాఫర్‌ దర్శకత్వం వహించిన ఈ సినిమాలో కత్రినా కైఫ్‌, దిశా పటానీ కథానాయికలుగా నటించారు. రంజాన్‌ సందర్భంగా విడుదలైన ఈ చిత్రం కేవలం ఏడు రోజుల్లో దేశవ్యాప్తంగా రూ.167.60 కోట్లు రాబట్టింది. తొలిరోజున రూ.42.30 కోట్లు రాబట్టి రికార్డు సృష్టించింది. ఈ సినిమా విజయం తర్వాత సల్మాన్‌ చిన్న విరామం తీసుకున్నారు. కుటుంబంతో కలిసి విలువైన సమయాన్ని గడుపుతున్నారు. మరోపక్క ఆయన హీరోగా ‘దబాంగ్‌ 3’ సినిమా తెరకెక్కుతోంది. ప్రభుదేవా దర్శకుడు.

View this post on Instagram

After experiencing the highs and lows my security has finally realised how secure they are wid me .. ha ha

A post shared by Salman Khan (@beingsalmankhan) on Jun 17, 2019 at 10:33am PDT