రాజస్థాన్ అడవుల్లో కృష్ణజింకలను వేటాడిన కేసులో సల్మాన్ ఖాన్ కు కోర్టు అయిదేళ్ల జైలు శిక్ష వేసిన సంగతి తెలిసిందే. శిక్ష‌లో భాగంగా రెండు రోజుల పాటు జైలులో ఉన్న సల్మాన్ ఆ త‌ర్వాత బెయిల్‌పై బ‌య‌ట‌కి వ‌చ్చాడు. ప‌లు చిత్రాలు కూడా చేశాడు. రీసెంట్‌గా భార‌త్ అనే చిత్రంతో ప్రేక్ష‌కుల ముందుకు వ‌చ్చాడు. ప్ర‌స్తుతం ద‌బాంగ్ 3 చేస్తున్నాడు. అయితే తాజాగా జోధ్ పూర్ కోర్టు స‌ల్మాన్‌కి స్ట్రాంగ్ వార్నింగ్ ఇచ్చింది. త‌దుపరి విచార‌ణ‌కి హాజ‌రు కాని ప‌క్షంలో బెయిల్‌ని ర‌ద్దు చేస్తామ‌ని స‌ల్మాన్‌ని హెచ్చ‌రించింది జోధ్‌పూర్ కోర్టు. మ‌రి ఈ నేప‌థ్యంలో సల్మాన్ ఎలా స్పందిస్తాడో చూడాలి. 20 ఏళ్ల క్రితం ఓ ఫిల్మ్ షూటింగ్ కోసం జోధ్‌పూర్‌కు వెళ్లిన సల్మాన్ అక్కడ మిగతా నటులతో కలిసి కృష్ణ జింకలని వేటాడాడు . ఆ కేసులో సల్మాన్ ఖాన్ తో పాటు సైఫ్ అలీ ఖాన్, నీలమ్, సోనాలీ బింద్రే, టబు కూడా నిందితులుగా కేసును ఎదుర్కొన్నారు. మిగతా స్టార్స్‌కు ఊరట లభించినా.. సల్మాన్‌ను మాత్రం దోషిగా తేల్చారు.
