దాల్చిన చెక్కను సుగంధ ద్రవ్యంగానే కాదు, ఆహార దినుసుగా కూడా తరచుగా ఉపయోగిస్తూ ఉండాలి. దీనిలోని పోషకాలు, ఔషధ గుణాలు పలు రకాల రుగ్మతలను తరిమికొడతాయి.వ్యాధులకు అడ్డుకట్ట: దాల్చినచెక్క ఆహారంలోని ఫంగల్, బ్యాక్టీరియల్, వైరస్ సంబంధింత అంశాలను నిరోధించడంతో పాటు మెటబాలిజంతో సంబంధం ఉన్న అధిక రక్తపోటు, రక్తంలో ప్లాస్మా, గ్లూకోజ్, స్థూలకాయాత్వాన్ని నియంత్రిస్తుంది.
మధుమేహం అదుపు: మధుమేహానికి శాశ్వత విరుగుడు లేకపోయినా, ఈ రుగ్మత సంబంధిత లక్షణాలను దాల్చినచెక్క అదుపు చేస్తుంది.
చెడు కొలెస్ట్రాల్ తగ్గుదల: దాల్చినచెక్కను క్రమంతప్పక ఆహారంలో చేర్చుకుంటే చెడు కొలెస్ట్రాల్ తగ్గి, మంచి కొలెస్ట్రాల్ పెరుగుతుంది.
అల్జీమర్స్, పార్కిన్సన్స్ వ్యాధులు అదుపు: లక్షణాలను అదుపు చేసే క్రమంలోనే ఈ వ్యాధులకు చికిత్స కొనసాగుతుంది. అయితే చికిత్సతో పాటు దాల్చినచెక్కను ఆహారంలో చేర్చుకుంటే చికిత్స ప్రభావం ఇనుమడిస్తుంది.
