బ్రిటన్‌లో 10 ప్రాంతాల్లో బతుకమ్మ నిర్వహించనున్న జాగృతి. నేడు పోస్టర్ ఆవిష్కరించిన జాగృతి అధ్యక్షురాలు కల్వకుంట్ల కవిత. తెలంగాణ జాగృతి యూనైటెడ్ కింగ్ డమ్ శాఖ ఆధ్వర్యంలో యూకే లో నిర్వహించనున్న బతుకమ్మ పోస్టర్ ను తెలంగాణ జాగృతి అధ్యక్షురాలు కల్వకుంట్ల కవిత నేడు తన నివాసంలో ఆవిష్కరించారు. గత ఏడాది బ్రిటన్ లో ఏడు చోట్ల బతుకమ్మ నిర్వహించిన జాగృతి యూకే శాఖ ఈ సారి యూకేలోని పది వేర్వేరు ప్రాంతాలలో బతుకమ్మ నిర్వహిస్తున్నారు. పది పల్లెల బతుకమ్మ, పది కాలాల బతుకమ్మ అనే నినాదంతో ఈ సారి యూకే లో బతుకమ్మ పండుగను పెద్ద ఎత్తున నిర్వహిస్తున్నట్లు జాగృతి యూకే అధ్యక్షులు సుమన్ బల్మూరి తెలిపారు. చేనేతను ప్రోత్సహించాలనే ఉద్దేశ్యంతో ప్రతి సంవత్సరం లాగే ఈసారి కూడా బతుకమ్మతో వచ్చిన మహిళలకు నారాయణపేట చేనేత చీరలను అందజేస్తున్నట్టు ఆయన తెలిపారు. నేడు జరిగిన పోస్టర్ ఆవిష్కరణ కార్యక్రమం లో తెలంగాణ జాగృతి రాష్ట్ర ప్రధాన కార్యదర్శి నవీన్ ఆచారి, కోరబోయిన విజయ్, రోహిత్ రావు, ప్రశాంత్ పూసా, నితీష్ వాడ్రేవు తదితరులు పాల్గొన్నారు.
