Sports

బీసీసీఐ అధ్యక్షుడిగా ఆరేళ్ల వరకు గంగూలీనే?

Ganguly Might Be The BCCI President For Another 6Years

అధ్యక్షుడిగా సౌరభ్‌ గంగూలీ పదవీ కాలాన్ని బీసీసీఐ పొడిగించే ఆలోచనలో ఉన్నట్లు తెలుస్తోంది. ముంబయిలోని ప్రధాన కార్యాలయంలో డిసెంబర్‌ 1న దాదా నేతృత్వంలో సాధారణ వార్షిక సమావేశం జరగనుంది. ఈ సందర్భంగా సుప్రీంకోర్టు ఆమోదించిన బీసీసీఐ రాజ్యాంగాన్ని సవరించాలని భావిస్తున్నారు. ఈ ప్రతిపాదనకు బీసీసీఐ పాలక వర్గంలో నాలుగింట మూడో వంతు మద్దతు అవసరం కాగా, సుప్రీంకోర్టు ఆమోదం కూడా తప్పనిసరి. ఒకవేళ కోర్టు అనుమతిస్తే దాదా ఆరేళ్ల పాటు ఈ పదవిలో కొనసాగుతారు. ప్రస్తుత నిబంధనల ప్రకారం గంగూలీ తొమ్మిది నెలలపాటే బీసీసీఐ అధ్యక్షుడిగా కొనసాగాల్సి ఉంది. రెండోసారి ఆ పదవిలో కొనసాగాలంటే మూడేళ్ల విరామం ఉండాల్సిందే. ఈ నేపథ్యంలో బీసీసీఐ పాలక వర్గం ఆ నిబంధనను తొలగించే ఆలోచనలో ఉన్నట్లు సమాచారం.