ఈ లాభాల గురించి తెలిస్తే మీ పార్టనర్‌ని కౌగిలించుకోకుండా ఉండలేరు..వాలెంటైన్ వీక్ నడుస్తోంది. ఇందులో భాగంగా నేడు హగ్ డే. అంటే మనలోని ఎన్నో భావాలను ఎదుటివారికి ఈ ఆత్మీయ స్పర్శతో చెప్పొచ్చు. ముఖ్యంగా మీ పార్టనర్, లవర్‌కి ఎంతో రొమాంటిక్‌గా ఉంటుంది. అదే విధంగా భరోసా ఇచ్చినట్లు ఉంటుంది. అయితే, కేవలం ఇవేనే.. కౌగిలించుకోవడం వల్ల మరెన్నో లాభాలు కూడా ఉన్నాయని చెబుతున్నాయి పరిశోధనలు. దీని వల్ల మానసికంగా, శారీరకంగా రిలాక్స్ అవుతామని చెబుతున్నారు. ఇది ఆరోగ్యాన్ని కూడా మెరుగు చేస్తుందని చెబుతున్నారు. మరి అవేంటో ఇప్పుడు చూద్దాం..
*మీ ప్రేమను ఎదుటివారికి చెబుతుంది..
కవ్వింత అంటే కేవలం లైఫ్‌ పార్టనర్‌ని, కోరికలతో మాత్రమే కవ్వించుకోం.. ఇది అందరికీ తెలిసింది. అమ్మని కౌగిలించుకుంటాం.. నాన్నని కూడా కౌగలించుకుంటాం, ఇలా మనకి ఆత్మీయులు ఎవరెవరూ ఉన్నారో వారందరినీ కౌగలించుకుంటాం. ఎందుకంటే ఎన్నో భావోద్వేగాలకు, ప్రేమకు కౌగిలింత అనేది ఓ చక్కటి చిహ్నం. ఆలింగనం అనేది కఏదో ఆషామాషీగా వచ్చేది కాదు. ప్రేమను పంచడానికి, వ్యక్తపరచడానికి ఇది ఉపయోగపడతుంది.
*హగ్‌తో ఆరోగ్యం..
ఓ సినిమాలో చెబుతారు. ఆత్మీయంగా ఒక్కసారి కౌగిలించుకుంటే చాలు.. మనసు లోపల ఉన్న ఎన్ని బాధలు అయినా క్షణాల్లో కరిగిపోతాయి అని.. ఇది మనం సినిమా అనుకుంటాం.. కానీ, నిజానికీ ఇదే నిజమంటున్నారు పరిశోధకులు. మనం ఎవరినైనా ప్రేమతో కౌగిలించుకుంటే అది మనకి.. వారికి కూడా ఓ ప్రత్యేకమైన అనుభూతిని ఇస్తుంది. చెప్పలేని భావాలను ఎన్నో ఈ కౌగిలింతతో చెప్పొచ్చు.
*ఆనందాన్ని రెట్టింపు చేసే కవ్వింత
మనకి ఎక్కువ సంతోషం ఉన్నప్పుడు.. లేదా బాధలో ఉన్నప్పుడు మన ఆత్మీయులని కౌగిలించుకుంటే ఆ ఫీలింగ్‌ని వారితో పంచుకున్నవారవుతాం.. అందుకే చాలా మంది సంతోషంలోనైనా, బాధలోనైనా మన సన్నిహితులతోనే పంచుకుంటాం. లైఫ్‌ పార్టనర్‌ని కౌగిలించుకుంటే మీ ఇద్దరి మధ్య ఉన్న అనుబంధం రెట్టింపు అవుతుంది. ఆ ఆనందం రెట్టింపు అవుతుంది. సంతోషంలో ఉన్నప్పుడు కౌగిలించుకుంటే ఆ ఆనందాన్ని మన సన్నిహితులతో పంచుకున్నట్లు ఉంటుంది. దీంతో ఆ ఆనంద క్షణాలు రెట్టింపు అవుతాయి. ఇది కూడా శరీరానికి చాలా మంచిది. మనసు బాగుండాలి. బాగుంటే ఆటోమేటిగ్గా ఆరోగ్యం కూడా బావుంటుంది కాబట్టి కౌగిలింతల వల్ల ఎన్నో ఆరోగ్యప్రయోజనాలు ఉన్నాయని చెబుతున్నారు నిపుణులు..
*సందర్భాన్ని బట్టి ఒక్కో కవ్వింత
అయితే, కౌగిలింత అనేది ఒక్కటే అని కాదు.. ఇందులోనూ రకాలు ఉన్నాయని చెబుతున్నారు నిపుణులు. అందులో బియర్ హగ్, ఆప్యాయతతో ఆలింగనం, వీడ్కోలు కౌగిలింత, పొలైట్ కౌగిలింత, ముద్దుల కవ్వింత ఇలా అనేక కౌగిలింతలు ఉన్నాయి. ఇవి సందర్భాన్ని బట్టి వ్యక్తులను బట్టి ఉంటాయి. ఇందులో ఒక్కో కౌగిలింతకు ఒక్కో ప్రత్యేకత ఉంటుంది. అది ఆ సందర్భాన్ని బట్టి ఉంటుంది.
*బాధగా ఉన్నప్పుడు కవ్వించుకోండి..
ఏవేవో కారణాలతో ఎక్కువగా కొన్నిసార్లు బాధపడిపోతుంటాం. అది ఎవరికీ చెప్పుకోలేం. ఇలాంటి సందర్భంలో కూడా మనకి కౌగిలింత అనేది మంచి మెడిసిన్‌లా పనిచేస్తుంది. సాధారణంగా బాధలో ఉన్నప్పుడు కౌగిలించుకున్నప్పుడు మనకి తోడుగా కొంతమంది ఉన్నారని చెబుతారు. దీని వల్ల ఆ బాధ చాలా వరకూ తగ్గుతుంది. దీంతో మనసు కాస్తా తేలికపడి బాధ తగ్గిపోతుంది.
