దిల్లీ పర్యటనలో ఏం మాట్లాడారో కూడా చెప్పలేనిస్థితిలో సీఎం జగన్‌మోహన్‌ రెడ్డి ఉన్నారని తెదేపా నేత, మాజీ మంత్రి దేవినేని ఉమామహేశ్వరరావు అన్నారు. మోదీ, అమిత్‌ షాతో ఏం మాట్లాడారో చెప్పలేని నిస్సహాయ స్థితి ఈ ప్రభుత్వానిదని ఎద్దేవా చేశారు. దిల్లీ పెద్దలకు ఇచ్చిన వినతి పత్రంలో ఏముందో సీఎం జగన్‌ చెప్పాలన్నారు. సమస్యలను పక్కదారి పట్టించేందుకే మంత్రులతో ప్రకటన చేయిస్తున్నారని మండిపడ్డారు. ఈ ప్రభుత్వం వచ్చాక రూ.లక్షా 80వేల కోట్ల పెట్టుబడులు వెనక్కి వెళ్లాయని విమర్శించారు. రైతులు రోడ్డున పడితే వ్యవసాయ, పౌరసరఫరాల శాఖ మంత్రులు ఏం చేస్తున్నారని దేవినేని నిలదీశారు. సుబాబుల్‌, మిర్చి రైతులను దోపిడీ చేస్తున్నా పట్టించుకోరా అని ప్రశ్నించారు.
