ఇటీవల నిర్వహించిన 65వ ఫిలింఫేర్‌ అవార్డుల ప్రదానోత్సవంలో తాప్సీ మొదటిసారి ఉత్తమ నటి(క్రిటిక్స్‌) అవార్డును అందుకున్న విషయం తెలిసిందే. ‘శాండ్ ఖీ అంఖ్‌’ చిత్రానికి గాను తాప్సీ, భూమి ఫడ్నెకర్‌ ఈ అవార్డును సొంతం చేసుకున్నారు. అయితే ఈ ఏడాది నిర్వహించిన ఫిలింఫేర్‌ అవార్డుల ప్రదానోత్సవం గురించి సోషల్‌మీడియాలో వేదికగా వెల్తువెత్తిన విమర్శలపై తాప్సీ తనదైన శైలిలో స్పందించారు. తాజాగా తాప్సీ ఓ అవార్డలు ప్రదానోత్సవంలో పాల్గొన్నారు. ఇందులో భాగంగా ఆమె మాట్లాడుతూ.. ‘2016 నుంచి అవార్డులను సొంతం చేసుకుంటే స్టేజ్‌పై ఏం మాట్లాడాలనే విషయంలో స్పీచ్‌ సిద్ధం చేసుకునేదాన్ని. గడిచిన నాలుగేళ్లలో స్టేజ్‌పై మాట్లాడే అవకాశం నాకు రాలేదు. ఈ ఏడాది మాత్రం నేను ఎలాంటి స్పీచ్‌ను సిద్ధం చేసుకోలేదు. కానీ నేను స్టేజ్‌పై మాట్లాడాల్సి వచ్చింది. ఇన్ని సంవత్సరాల సమయం తీసుకున్నప్పటికీ అవార్డు గెలుపొందడం నాకెంతో ఆనందాన్నిచ్చింది. ఇంతకు మించి నేను ఏం చెప్పగలను’ అని తాప్సీ అన్నారు.
