ScienceAndTech

మీ శానిటైజర్ గురించి నిజాలు తెలుసుకోండి

The Secrets Behind Hand Sanitizer-Telugu Science News

ఉరుకుల పరుగుల జీవితంలో మనం అనేక విషయాలను మర్చిపోతుంటాం. అందులో ముఖ్యంగా చేతులు కడుక్కోవటం. రోజు మొత్తంలో మన చేతులు అపరిశుభ్ర ప్రదేశాలెన్నిటినో తాకుతూ ఉంటాయి. డబ్బులను లెక్కపెడతాం, డోర్‌ హ్యాండిల్స్‌ పట్టుకుంటాం, షేక్‌ హ్యాండ్‌ ఇస్తూ ఉంటాం, ఒక్కోసారి చేయి అడ్డు పెట్టుకుని తుమ్మేస్తాం, దగ్గుతాం. ఇలాంటి పనులెన్నిటికో చేతులను ఉపయోగిస్తాం కాబట్టి సూక్ష్మక్రిముల నుంచి రక్షణ పొందాలంటే తప్పనిసరిగా హ్యాండ్‌ శానిటైజర్‌ ఉండాలి.
*శానిటైజర్స్ ఎందుకంటే..
బిజీగా ఉన్న జీవితంలో అన్ని పనులు త్వరత్వరగా చేస్తుంటాం . ఫుడ్ కూడా త్వరత్వరగా తింటూ ఉంటాం. కానీ, కొన్నిసార్లు చేతులు శుభ్రం చేసుకోవడం మర్చిపోతుంటాం. కానీ, ఇలా చేయడం అంత మంచిది కాదు. ఎందుకంటే, ప్రతి రోజు మన చేతులో ఒక మిలియన్ క్రిములతో నిండిపోతాయి. దీని వల్ల అనేక ఆరోగ్య సమస్యలు వస్తూ వుంటాయి. అయితే, ఎప్పుడూ సబ్బు, నీటితో చేతులు కడుక్కోవడం సాధ్యం కాదు. కాబట్టి చాలా మంది శానిటైజర్స్‌ని వాడుతుంటారు. ఇందులో మద్యం ఆధారిత హ్యాండ్ శానిటైజర్‌లను ఎప్పుడు వాడుతుంటారు. ఈ హ్యాండ్ శానిటైజర్లని వాడిన తరువాత నీరు అవసరం లేదు. సాధారణ సబ్బు, నీరు లేకుండానే.. చేతులని శుభ్రం చేసుకోవచ్చు. ఇలా చేయడం వల్ల చేతుల్లోని క్రిములు చాలా వరకు నశిస్తాయి. అందుకే ఇప్పుడు చాలా మంది శానిటైజర్స్‌ని ఉపయోగిస్తారు. వీటిని వాడడం వల్ల మరో ఉపయోగం ఏంటంటే.. తక్కువ సమయంలోనే వీటిని వాడొచ్చు. దీనికి నీరు కూడా అవసరం లేదు. అందుకే ఇప్పుడు ప్రతి ఒక్కరి వద్ద శానిటైజర్స్ ఉంటున్నాయి.
*వాడడం ముఖ్యమేనా..
ఎక్కడికైనా బయటకు వెళ్లినప్పుడు మనకు నచ్చిన ఫుడ్ దొరికే అవకాశం ఉండదు. కాబట్టి మనలో చాలా మంది ముందు జాగ్రత్తగా పండ్లు, డ్రై ఫ్రూట్స్, బిస్కెట్స్ లాంటివి దగ్గర ఉంచుకుంటారు. ఆహారం విషయంలో ఇన్ని జాగ్రత్తలు తీసుకునే మనం చేతుల శుభ్రత విషయంలో పాటించం. ఆహార విషయంలో ఎంత శ్రద్ధ తీసుకుంటామో, అదేవిధంగా చేతులు శుభ్రం చేసుకోవటం విషయంలో కూడా కొన్ని నియమాలు పాటించాలి. అందుకే ఎప్పుడు మీతో పాటు ఒక హ్యాండ్ శానిటైజర్ ఉంచుకోవడం మంచిది. ఎందుకంటే ఇది చాలా ముఖ్యం. మనం ఎంత ఆరోగ్యకరమైన ఆహారాన్ని తీసుకున్నా చేతులు శుభ్రంగా లేకపోతె క్రిములు మన శరీరంలోకి వెళ్లి అనేక ఆరోగ్య సమస్యలను తీసుకొచ్చే అవకాశం ఉంది. కాబట్టి ఆరోగ్యమైన జీవితానికి హ్యాండ్ శానిటైజర్ చాలా ముఖ్యం.
ఇలా వద్దు..హ్యాండ్-శానిటైజర్ లను చాలా మంది ఉపయోగిస్తారు. అయితే, వీటిని ఎలా ఉపయోగించాలో చాలా మందికి తెలీదు. అయితే చేతులను శుభ్రం చేసుకోడానికి కనీసం 60 నుండి 95 శాతం ఆల్కహాల్ కలిగి ఉన్న ఆల్కహాల్ ఆధారిత హ్యాండ్ శానిటైజర్స్‌ని ఉపయోగించాలని గుర్తుంచుకోవాలి. చాలా మంది చేతులపై శానిటైజర్ చిన్న బొట్టు చల్లుకొని వాటిని చేతులను త్వరగా రుద్ది శుభ్రం అయిపోయాయని భావిస్తారు. అయితే శానిటైజర్ తో చేతులు శుభ్రం చేసుకోవటానికి ఇది సరైన మార్గం కాదు.
వీటి గురించి తెలుసుకోండి..
*హ్యాండ్ శానిటైజర్ చేతులు శుభ్రం చేయటానికి ఉపయోగిస్తూ ఉంటాం. అయితే ఇవి చేతులో ఉన్న 99.9 శాతం క్రిములను పొగొట్టాలనుకుంటే హ్యాండ్ శానిటైజర్‌‌ని త్వరగా అలా రుద్దుకోవడం మాత్రమే కాకుండా కొన్ని జాగ్రత్తలు పాటించండి. సెంటర్స్ ఫర్ డిసీజ్ కంట్రోల్ అండ్ ప్రివెన్షన్ ప్రకారం…. హ్యాండ్ శానిటైజర్ విషయంలో చాలా మంది చేసే కొన్ని సాధారణ తప్పులు గురించి ఇప్పుడు తెలుసుకుందాం.
*ఈ జాగ్రత్తలు తప్పనిసరి..
అయితే హ్యాండ్ శానిటైజర్ వల్ల కలిగే ప్రయోజనాలు పొందాలంటే… చేతుల్లో ఉన్న సూక్ష్మక్రిములు, బ్యాక్టీరియాతో పోరాడటానికి హ్యాండ్ శానిటైజర్‌ను ఉపయోగించడానికి సరైన పద్ధతి గురించి ఇప్పుడు తెలుసుకుందాం. శానిటైజర్ వాటేడప్పుడు కొద్ది పరిమాణంలో తీసుకుంటారు. అయితే, దీని వల్ల చేతులు పూర్తిగా శుభ్రం కావు. అందుకే చేతులు శుభ్రం చేసుకునేటప్పుడు శానిటైజర్ ను తగినంత పరిమాణంలో తీసుకోవాలి.
*ఎంత పరిమాణంలో వాడాలంటే..
హ్యాండ్ శానిటైజర్ ను ఎంత వాడాలంటే.. అది మీ చేతుల పరిమాణంపై ఆధారపడి ఉంటుంది. ఒకవేళ మీ చేతులు పెద్దవిగా ఉంటే ఎక్కువ పరిమాణంలో హ్యాండ్ శానిటైజర్‌ని తీసుకోవాలి. ఇలా తీసుకుని చేతులకి రాసిన తర్వాత..అది పూర్తిగా చేతులకు సరిపోయిందా లేదా అన్నది చూడాలి.శానిటైజర్ తో చేతులు శుభ్రం చేసుకునేటప్పుడు అది చేతులకు శుభ్రంగా అరకముందే వాటిని తుడిచేస్తూ ఉంటాం. అయితే ఇలా చేయటం సరైంది కాదు.
*ఎలా ఉపయోగించాలంటే..
ముందుగా హ్యాండ్ శానిటైజర్ ను మీ చేతుల్లో కొద్ది పరిమాణంలో తీసుకోండి.తరువాత మీ చేతుల్లోని శానిటైజర్‌ను బాగా రుద్దండి. మీ రెండు చేతులు పూర్తిగా అంటే వేళ్ళతో సహా, గోర్లు లోపల మరియు వేళ్ల మధ్య ఉండేలా చూసుకోండి. దీని ద్వారా చేతుల్లో ఉండే క్రిములు నాశనం అవుతాయి. హ్యాండ్ శానిటైజర్ తో కనీసం 30 సెకన్ల పాటు మీ చేతులను బాగా రుద్ది, ఆ తర్వాతఆరిపోయే వరకు వేటిని తాకకూడదు. ఇలా చేయడం వల్ల చేతుల్లోని క్రిములు చాలా వరకూ నాశనం అవుతాయి