కాస్తంత ఆలోచిస్తే చాలు.. సాగులో సరికొత్త ప్రయోగాలు చేయవచ్చన్న దానికి ఇది చక్కటి ఉదాహరణ. సిద్దిపేట జిల్లా ములుగు మండలంలోని మామిడాల గ్రామ పరిధిలో దాచారం బాలనరసింహా అనే రైతు డ్రాగన్ ఫ్రూట్ పండిస్తున్నారు. తెలంగాణలో రైతులు ఇప్పుడిప్పుడే ఈ పంట సాగుపై ఆసక్తి కనబరుస్తున్నారు. పంట చేలో పాతిన స్తంభాలపై సాధారణంగా సిమెంటు పలకలు వాడతారు. బాలనరసింహా వాటికి బదులు వాహనాలపాత టైర్లను ఏర్పాటు చేశారు. తద్వారా ఖర్చు తగ్గడంతో పాటు పండ్లు కోయడం సులభంగా ఉంటుందని ఆయన తెలిపారు.
