శ్రీలంక పేసర్‌ లసిత్‌ మలింగ ఈసారి ఐపీఎల్‌లో తమ ఫ్రాంఛైజీ ముంబయి ఇండియన్స్‌ తరఫున ఆలస్యంగా బరిలోకి దిగనున్నట్లు తెలుస్తోంది. అతడి తండ్రి ప్రస్తుతం అనారోగ్యంతో ఉన్నాడని, కొద్ది రోజుల్లో శస్త్రచికిత్స జరగనుందని ఈఎస్‌పీఎన్‌ క్రిక్‌ఇన్ఫో పేర్కొంది. ఈ కారణం చేతనే అతడిప్పుడు తన తండ్రి వద్ద ఉండాలనుకున్నట్లు, తర్వాత ఐపీఎల్‌లో కీలక సమయం వచ్చేసరికి యూఏఈలో జట్టుతో కలిసిపోతాడని తెలిపింది. అయితే, ఈ విషయంపై ముంబయి ఇండియన్స్‌ కానీ, మలింగా కానీ స్పందించలేదు.
