NRI-NRT

తానా 2021 మహాసభలు రద్దు చేయలేదు

తానా 2021 మహాసభలు రద్దు చేయలేదు - TANA 2021 Conference In Pennsylvania Has Not Cancelled Says Convenor Potluri Ravi

పెన్సిల్వేనియా కన్వెన్షన్ సెంటరులో 2021 జులై 2,3,4 తేదీల్లో నిర్వహించ తలపెట్టిన తానా 23వ ద్వైవార్షిక మహాసభలు రద్దు చేయలేదని మహాసభల సమన్వయకర్త పొట్లూరి రవి పేర్కొన్నారు. శాస్త్రవేత్తల అవిరళ కృషితో విజయవంతంగా రూపొందే కరోనా టీకాతో పాటు, దైవబలం తోడుగా ఈ సభలు యథాతథంగా ప్రణాళికాబద్ధంగా జరుగుతాయని ఆశిస్తున్నట్లు ఆయన తెలిపారు. టీకా ఆలస్యమైన పక్షంలో తానా కార్యవర్గం తదుపరి నిర్ణయానికి అనుగుణంగా ఈ సభల నిర్వహణ ఉంటుందని రవి అన్నారు. సామాజిక దూరం, అతిథుల ఆరోగ్యం, పక్కాగా కరోనా నివారక చర్యలను దృష్టిలో ఉంచుకుని ఈ సభలను విజయవంతం చేసేందుకు తమ బృందం ప్రణాళికలు రూపొందిస్తోందని పొట్లూరి రవి వెల్లడించారు.