కరోనా బారినపడిన అమెరికా అధ్యక్షుడు డొనాల్డ్‌ ట్రంప్ ఆరోగ్య పరిస్థితి నిశితంగా పరిశీలిస్తున్నామని వైద్యులు పేర్కొన్నారు. ప్రస్తుతానికి ఆయన పరిస్థితి మెరుగ్గానే ఉందని వారు తెలిపారు. ఆయన రక్తంలోని ఆక్సిజన్ స్థాయి 96-98 శాతం మధ్య ఉందని అన్నారు. రాబోయే 24గంటల్లో ఇంకాస్త మెరుగు అవుతారని వారు ఆశాభావం వ్యక్తపరిచారు. వాల్టర్‌ రీడ్‌ సైనిక ఆసుపత్రికి ట్రంప్‌ను తరలించి చికిత్స చేస్తున్న సంగతి తెలిసిందే. ఆయనకు జ్వరం కూడా తగ్గిపోయిందని వైద్యులు పేర్కొన్నారు.
