అమెరికా అధ్యక్ష ఎన్నికలు జరిగి లెక్కింపు చివరి దశకు చేరుకున్నది. డెమోక్రాట్ జో బిడెన్.. డొనాల్డ్ ట్రంప్ కంటే ముందున్నారు. అయితే, అమెరికాలో ఇప్పటివరకు జరిగిన అధ్యక్షుల గురించి కొన్ని ఆసక్తికరమైన విషయాలను మనమిక్కడ తెలుసుకుందాం.
1. ట్రంప్ 44 వ అధ్యక్షుడు
డొనాల్డ్ ట్రంప్ 45 వ అమెరికా కాదు. ఆయన 44 వ అధ్యక్షుడు. నిజమే, గ్రోవర్ క్లీవ్ల్యాండ్ 1884 లో ఎన్నికల్లో గెలిచి అధ్యక్షుడయ్యాడు. అతను 1888 లో ఓడిపోయాడు. తరువాత 1892 లో అధ్యక్షుడయ్యాడు. అంటే, క్లీవ్ల్యాండ్ పదవీకాలం రెండు, కానీ సంవత్సరం భిన్నంగా ఉన్నది. ‘టర్మ్ ఇన్ ఆఫీస్’ నిబంధన ప్రకారం దానిని రెండుసార్లు లెక్కించారు. దాంతో క్లీవ్ల్యాండ్ 22, 24 వ అధ్యక్షుడు.
2. రూజ్వెల్ట్ 4 సార్లు అధ్యక్షుడు
1945 లో 22 వ రాజ్యాంగ సవరణకు ముందు ఒక వ్యక్తి అమెరికాలో ఎన్నిసార్లు అధ్యక్షుడవుతాడో నిర్ణయించలేదు. ఫ్రాంక్లిన్ డీ రూజ్వెల్ట్ 1933 నుంచి 1945 వరకు మూడు టర్మ్‌లను పూర్తి చేశారు. నాలుగోసారి కూడా గెలిచారు. అయితే, అధ్యక్ష పీఠం అధిష్టించిన కొద్ది రోజుల తరువాత మరణించాడు.
3. అతి పిన్న వయస్కుడు
జాన్ ఎఫ్ కెన్నెడీ 43 సంవత్సరాల వయసులో అధ్యక్షుడయ్యాడు. రాజ్యాంగం ప్రకారం అధ్యక్షుడిగా పోటీ చేయాలంటే 35 సంవత్సరాల వయసు ఉండాలి. రెండవసారి ఎన్నికైనప్పుడు రోనాల్డ్ రీగన్ వయసు 73 సంవత్సరాలు. బిడెన్ గెలిస్తే ఈ రికార్డు బద్దలైపోతుంది. అతను జనవరి 20 న ప్రమాణ స్వీకారం చేస్తే, ఆ సమయంలో బిడెన్ వయస్సు 78 సంవత్సరాలు పైబడి ఉంటుంది. నవంబర్ 20 న ఆయన 78 వ ఏట అడుగుపెడతారు.
4. రెండుసార్లు ఎన్నికైన వాళ్లు వీరే..
జార్జి వాషింగ్టన్‌, థామస్‌ జెఫర్‌సన్‌, జేమ్స్ మాడిసన్, జేమ్స్ మన్రో, ఆండ్రూ జాక్సన్‌, థియోడర్‌ రూజ్వెల్ట్, విడ్రో విల్సన్‌, హ్యారీ ట్రూమ్యాన్‌, ఐసన్‌హోవర్‌, రిచర్డ్ నిక్సన్, రోనాల్డ్ రీగన్, బిల్‌ క్లింటన్, జార్జ్‌ డబ్ల్యూ బుష్‌, బరాక్‌ ఒబామాలు ఇప్పటివరకు రెండు సార్లు అధ్యక్షులుగా ఎన్నికయ్యారు. ముకాద్దర్ అధ్యక్షుడు జెరాల్డ్ ఫోర్డ్ ఎన్నికల్లో విజయం సాధించకుండా ఉపాధ్యక్షుడు.. రాష్ట్రపతి అయ్యారు. 1973 లో షిప్రో ఆగ్న్యూ రాజీనామా చేసినప్పుడు ఫోర్డ్ ఉపాధ్యక్షుడయ్యాడు. ఆయనను అధ్యక్షుడుగా రిచర్డ్ నిక్సన్ నియమించారు. నిక్సన్ 1974 ఆగస్టులో రాజీనామా చేసి ఫోర్డ్ ప్రెసిడెంట్ అయ్యాడు.
5. పొడవైన అధ్యక్షుడు లింకన్
అతి పొడవైన.. 6 అడుగులు 4 అంగుళాల అధ్యక్షుడిగా అబ్రహం లింకన్ రికార్డులకెక్కారు. కాగా, జేమ్స్ మాడిసన్ ఎత్తు 5 అడుగుల 4 అంగుళాలు.
6. ఒకే ఒక్క బ్రహ్మచారి
జేమ్స్ బుకానన్ (1857 మార్చి 4 నుంచి 1861 మార్చి 4 వరకు) ఒక్కరే బ్రహ్మచారిగా ఉన్న ఏకైక అమెరికా అధ్యక్షుడు. రోనాల్డ్ రీగన్, డోనాల్డ్ ట్రంప్ విడాకులు తీసుకున్నారు.
7. పదవీకాలంలో మరణించిన వారు ఎనిమిది మంది
హెన్రీ హారిసన్, జాచరీ టేలర్, అబ్రహం లింకన్, జేమ్స్ గార్ఫీల్డ్, విలియం మక్కాన్లీ, వారెన్ హార్డింగ్, ఫ్రాంక్లిన్ డి. రూజ్వెల్ట్, జాన్ ఎఫ్. కెన్నెడీ లు పదవిలో ఉండగానే చనిపోయారు.
8. అధ్యక్ష ఎన్నికల పోటీలో తొలి మహిళ
1872 లో విక్టోరియా వుడ్హిల్ అధ్యక్ష ఎన్నికల్లో పోటీ చేసిన తొలి మహిళగా నిలిచారు. కాగా, ఒక ప్రధాన పార్టీ తరఫున అభ్యర్థిగా 2016 లో నామినేట్ అయిన మొదటి మహిళ హిల్లరీ క్లింటన్.
9. తొలి ఆఫ్రో-అమెరికాన్‌
మొదటి ఆఫ్రో-అమెరికన్ అధ్యక్షుడుగా బరకా ఒబామా చరిత్రకెక్కారు. ఒబామా రెండుసార్లు అధ్యక్షుడిగా ఎన్నికయ్యారు.
