దక్షిణాదికి చెందిన అగ్ర, యువ హీరోల సరసన నటిస్తూ తనకంటూ ప్రత్యేకమైన గుర్తింపు తెచ్చుకున్న చెన్నై ముద్దుగుమ్మ త్రిష. ఎన్నో ప్రేమకథా చిత్రాల్లో నటించి తెలుగు ప్రేక్షకులకు చేరువైన ఈ అందాల రాశి పెళ్లి గురించి ప్రతి ఒక్కరూ ఎంతో ఆసక్తిగా ఎదురుచూస్తున్నారు. ఈ క్రమంలోనే త్వరలోనే ఆమె పెళ్లి కబురు చెప్పనున్నారంటూ గత కొన్నిరోజుల నుంచి నెట్టింట్లో వార్తలు చక్కర్లు కొడుతున్నాయి. ఈ నేపథ్యంలో తాజాగా త్రిష.. తన పెళ్లి గురించి కొన్ని ఆసక్తికర వ్యాఖ్యలు చేశారు. తాను ప్రేమ వివాహమే చేసుకుంటానని వెల్లడించారు. ‘అన్ని విషయాల్లో నన్ను పూర్తిగా అర్థం చేసుకునే వ్యక్తినే నేను పెళ్లి చేసుకుంటాను. అది కూడా ప్రేమ వివాహమే. అలాంటి వ్యక్తి దొరికినప్పుడు తప్పకుండా వివాహ బంధంలోకి అడుగుపెడతాను. అప్పటివరకూ సింగిల్‌గా ఉండడానికి ఇబ్బంది లేదు. ఒకవేళ సరైన జీవిత భాగస్వామి దొరక్కపోతే ఎలాంటి బాధా లేకుండా ఎప్పటికీ సింగిల్‌గానే ఉండగలను’ అని త్రిష తాజాగా ఇచ్చిన ఇంటర్వ్యూలో వెల్లడించారు.
