ఆ కార్యాన్ని ఏ టైమ్‌కి చేస్తున్నారు..
కపుల్స్ మధ్య రిలేషన్ సరిగ్గా ఉండాలంటే వారి ఆ లైఫ్ కూడా సరిగ్గా ఉండాలి. అప్పుడే ఆ రిలేషన్ షిప్ బావుంటుంది. ఎందుకంటే శృంగారం ఒకరి మీద ఒకరికి ఉన్న ఎట్రాక్షన్ కి ప్రాణం పోస్తుంది. కపుల్స్ మధ్య ఎమోషనల్ రిలేషన్ షిప్ ఒక్కటే సరిపోదు, ఫిజికల్ రిలేషన్ షిప్ కూడా ఉండవలసిందే.
రోజంతా ఆఫీసు పనీ, పిల్లల పనులూ, ఇంటి పనులతో అలసిపోయి పడుకున్న తరువాత శృంగారంలో పాల్గొనాలనే కోరిక ఉన్నా మనసూ శరీరం సహకరించక రేపు చూద్దాంలే అనే దంపతుల కేటగిరీలో మీరు కూడా ఉంటే ఇది మీ కోసమే. ఎందుకంటే ప్రతి రోజూ “రేపు చూద్దాంలే” అనుకుంటూనే ఉంటారు కానీ ఇంకేం జరగదని మీకీపాటికి అర్ధమైపోయే ఉంటుంది. ఫలితం, మీ బంధానికి పరిమళాలద్దే ఆ లైఫ్ ని మీరు మిస్ అవుతున్నారు. ఇప్పుడే శృంగారానికి ఒక టైమ్ టేబుల్ వేసుకోవడం బాగా హెల్ప్ చేస్తుంది.
శృంగారానికి కూడా షెడ్యూల్ చేస్తారా..
శృంగారానికి టైమ్ టేబుల్ ఏమిటండీ, దానికి కావాల్సింది మూడ్ కానీ షెడ్యూలింగ్ కాదు అంటున్నారా. ఆ మూడ్ కోసమే ఈ షెడ్యూలింగ్ కూడా. మీరు పొద్దున్నే అలారం పెట్టుకుని లేస్తారు కదా, అలాగే ఆ కార్యానికి ఒక సమయం కేటాయించుకున్నారనుకోండి, ఆటోమ్యాటిక్ గా ఆ ఆలోచన మీ మనసులో ఉంటుంది, కావాల్సిన మూడ్ అదే వస్తుంది.
ఎందుకు ఇది అంత ఇంపార్టెంట్..
మనందరం లైఫ్ లో టైమ్ సరిపోక ఎన్నో పనులు మర్చిపోతున్నాం. ఫ్రెండ్ బర్త్‌డే మర్చిపోతున్నాం, బంధువుల ఇంట్లో పెళ్ళికి వెళ్ళడం మర్చిపోతున్నాం, ఆఖరికి ఒకరి కౌగిలిలో ఒకరు సేద దీరితే వచ్చే ఆనందం కూడా మర్చిపోతున్నాం. చాలా కాలం నుండీ కలిసి ఉన్న జంటల్లో శృంగారానికి ఇంపార్టెన్స్ తగ్గిపోతోంది. వారు అందులో పాల్గొన్నా కూడా ఎంత త్వరగా ముగించేద్దామా అనే ఆలోచనలోనే ఉంటున్నారు, అంతగా అలిసిపోయి ఉంటున్నారు అప్పటికే.
అయితే, మీ పార్ట్నర్ తో కూర్చుని క్యాలెండర్ దగ్గర పెట్టుకుని ఆ పనికి టైమ్ టేబుల్ వేయడం అనే మాట వింటుంటే కొంచేం వేరేలా అనిపించవచ్చు కానీ, చేసి చూడండి, మీకే అర్ధమవుతుంది, అది ఎంత హెల్ప్ చేస్తుందో. ఒక డేట్, ఒక టైమ్ ఫిక్స్ చేసుకున్న తరువాత మీ మనసూ శరీరం కూడా ఆ రోజు కోసం, ఆ సమయం కోసం ఉత్సాహంగా ఎదురు చూస్తాయి. అందుకు తగ్గట్టుగా మీ రోజుని ప్లాన్ చేసుకోగలుగుతారు. ఆ రోజు ఏ డ్రెస్ వేసుకోవాలి, ఏ పెర్ఫ్యూం వాడాలీ లాంటివి ఆటోమ్యాటిక్ గా ప్లాన్ చేసేసుకుంటారు. అంటే, మీ శృంగార జీవితాన్ని మీ కంట్రోల్ లోకి తెచ్చుకుంటున్నారన్న మాట. దానికి ఒక రిమైండర్ కూడా పెట్టుకోండి, ఇంకా ఎంత బావుంటుందో చూడండి.
మీ మధ్య ఇంటిమసీని పదిలంగా కాపాడుకోవాల్సిన బాధ్యత మీ ఇద్దరిదే. ఆ ఇంటిమసీ స్పాంటేనియస్ గా అన్నా ఉండాలి, లేదా షెడ్యూల్ అయినా చేసుకోవాలి. అయితే ఈ టైమ్ టేబుల్ వేసుకోగానే సరిపోదు, ఆ టైమ్ టేబుల్ ని అలాగే ఫాలో అవ్వాలన్న తపన ఇద్దరిలోనూ ఉంటేనే మీ శృంగార జీవితం మీకు సంతోషాన్నిస్తుంది.
