జాగ్రత్త – అజాగ్రత్త , జీవితం విలువలు—//-
మన జాగ్రత్త అజాగ్రత్తలకు కారణం మనం ఇచ్చే విలువల్ని బట్టి ఉంటుంది
మనం దేనికి విలువ ఇస్తామో దానిపట్ల మనం జాగ్రత్తగా ఉంటాము .
మనం దేనికి విలువ ఇవ్వమో దానిపట్ల మనం అజాగ్రత్తగా ఉంటాము .
వస్తువుల పట్ల అయినా మనుషుల పట్ల అయినా, జీవిత విషయాల పట్ల అయినా , అవసరమైన విలువ ఇస్తే వాటిని కోల్పోము..జాగ్రత్తగా ఉంటాము
మనిషికి విలువ ఇస్తే , మనిషి పట్ల జాగ్రత్తగా ఉంటాము..
బంధాలకు విలువ ఇస్తే బంధాలను జాగ్రత్తగా చూసుకుంటాము..
ఆరోగ్యానికి విలువ ఇస్తే ఏమి తినాలో , ఏమి తినకూడదో , ఎంత తినాలో , ఎప్పుడు తినాలో అన్నీ జాగ్రత్తగా ఉంటాము
డబ్బుకు విలువ ఇస్తే ఆచి తూచి ఖర్చు పెడతాము
కాలానికి విలువ ఇస్తే టైం వేస్ట్ చెయ్యము .
మానవ సంబంధాలకు విలువ ఇస్తే వాటిని తెంచుకోము.
దేనికి ఎంత విలువ ఇవ్వాలో తెలుసుకుని వ్యవహరించడం నేర్చుకుంటే , వాటి పట్ల జాగ్రత్తగా ఉంటాము
దేనికీ విలువ ఇవ్వడం తెలియకుంటే , అన్నిటిపట్లా అజాగ్రత్తగానే ఉంటాము
జీవితానికి విలువ ఇచ్చేవారే జీవితం ,విలువను జాగ్రత్తగా వాడుకుంటారు… లేనివారు అజాగ్రత్తలో జీవితం విలువలు తెలియక జీవితంలోని విలువైన వన్నీ కోల్పోతారు—-//-