తానా 2021 అధ్యక్ష ఎన్నికల ప్రచారంలో కాక పెరిగింది. శనివారం సాయంత్రం అట్లాంటాలో కొడాలి నరేన్ ప్యానెల్ తన ప్రచారాన్ని నిర్వహించింది. ఈ సందర్భంగా నరేన్ ఉద్వేగపూరిత ప్రసంగం చేశారు. డీసీలో జరిగిన మహాసభల్లో గానీ, తాను BOD అధ్యక్షుడిగా ఉన్నప్పుడు గానీ తానాకు దాతలు అందించిన నిధుల్లో ఎలాంటి అవకతవకలు జరిగాయాని ఆధారాలు ఉండి తన తప్పు ఉందని తేలితే తను ఎన్నికల్లో గెలిచినా ప్రమాణస్వీకారం చేయనని ఆయన ప్రత్యర్థులకు సవాల్ విసిరారు. సంస్థ ఔన్నత్యాన్ని కాపాడేందుకు తాను 18ఏళ్లు కష్టపడ్డానని, అలాంటి సంస్థకు దాతలు అందించిన పవిత్రమైన విరాళాల్లో వాటాలు కోసం పీటలు వేసుకునే రకం తాను గానీ తన ప్యానెల్ సభ్యులు గానీ తన మద్దతుదారులు గానీ లేరని ఆయన వెల్లడించారు. ఆయన ప్రచారానికి అట్లాంటా పరిసర ప్రాంతాలతో పాటు ఇతర రాష్ట్రాల ప్రవాసులు కూడా భారీ సంఖ్యలో హాజరయి తమ సంఘీభావాన్ని తెలిపారు.
###############