కంగనా.. దేశంలో అవసరమైన వారికి నీ డబ్బుతో ఆక్సిజన్‌ కొనుగోలు చేసి ఇవ్వొచ్చు కదా అని అంటున్నారు నటి రాఖీ సావంత్‌. చాలారోజుల తర్వాత ముంబయి వీధుల్లో కనిపించిన రాఖీ విలేకర్లతో సరదాగా ముచ్చటించారు. కరోనా ఎంతో ప్రమాదకారి.. కాబట్టి అందరూ అప్రమత్తంగా ఉండాలని ఆమె సూచించారు. బయటకు వచ్చేవారు తప్పనిసరిగా రెండు మాస్కులు ధరించాలని, శానిటైజర్లు ఉపయోగించాలని, తరచూ చేతులు శుభ్రంగా కడుక్కోవాలని ఆమె తెలిపారు. అనంతరం ఓ విలేకరి.. ‘మేడమ్‌.. దేశంలో పరిస్థితులు ఏం బాగోలేదని, ఇంతకాలం కరోనాని కంట్రోల్‌ చేయడంలో ప్రధాని నరేంద్రమోదీ తప్పు చేశారా? లేదా ఒప్పు చేశారా? అనేది పక్కన పెడితే ప్రస్తుతం చాలా ప్రాంతాల్లో ఆక్సిజన్‌ దొరకడం లేదని ఇటీవల కంగన తెలిపారు. దానిపై మీ కామెంట్‌ ఏమిటి?’ అని ప్రశ్నించాడు. ‘అవునా.. ఆక్సిజన్‌ దొరకడం లేదా? కంగనా మేడమ్‌.. దయచేసి దేశాన్ని కాపాడండి. మీ దగ్గర కోట్లకు కోట్లు డబ్బులు ఉన్నాయి కదా. వాటితో ఆక్సిజన్‌ సిలిండర్లు కొనుగోలు చేసి అవసరమైన వారికి అందించండి’ అని రాఖీ వ్యంగ్యంగా సమాధానమిచ్చారు.
