మే 20న కేరళలో కొత్తగా కొలువుదీరే కేరళ కేబినెట్ లో ఆరోగ్య శాఖ మంత్రిగా కొత్త ముఖం తెరపైకి వచ్చింది. ఎమ్మెల్యే వీణ జార్జ్.. కేకే శైలజ స్థానాన్ని భర్తీ చేస్తారని తెలుస్తోంది. ఒకవేళ ఇదే నిజమైతే చరిత్రలో తొలిసారిగా ఓ రాజకీయ నాయకురాలుగా మారిన జర్నలిస్టు కేరళలో మంత్రిగా అవుతారు. కాగా వీణ జార్జ్ .. పలు మలయాళ ఛానెళ్లలో జర్నలిస్ట్, న్యూస్ యాంకర్ గా పనిచేశారు. 2016 ఎన్నికల్లో పతనంతిట్ట జిల్లాలోని అరన్ముల అసెంబ్లీ నుంచి గెలుపొందారు. ఈ ఏడాది రెండోసారి మళ్లీ ఎన్నికయ్యారు. మరోవైపు ప్రస్తుత ఆరోగ్యశాఖ మంత్రి కేకే శైలజను పార్టీ విప్ గా నియమించనున్నారు. అటు మే 2న వెలువడిన ఎన్నికల ఫలితాల్లో ఎల్డీఎఫ్ 140 స్థానాలకి గాను 99 స్థానాలను గెలుచుకుంది.
