2021-22 ఏడాదికి ఖరీఫ్ పంటల కనీస మద్దతు ధర పెంచడానికి కేంద్ర మంత్రివర్గం ఆమోదం తెలిపింది.
క్వింటా ధాన్యం ధరను రూ.72 పెంచి రూ.1,940గా నిర్ణయించింది. గతేడాది ఈ ధర రూ.1,868 ఉండేది.
అలాగే క్వింటా నువ్వుల కనీస మద్దతు ధర రూ.452 మేర పెంపునకు ఆమోదం తెలిపింది
కేబినెట్. క్వింటా కంది, మినుముల కనీస మద్దతు ధర రూ.300 మేర పెంచింది.
రైల్వేలకు 5 మెగాహెర్జ్ స్పెక్ట్రమ్ కేటాయింపునకు కేంద్ర కేబినెట్ ఆమోదం తెలిపింది.
స్పెక్ట్రమ్తో సమాచార, సిగ్నల్ వ్యవస్థ మరింత మెరుగవుతుందని మంత్రి ప్రకాశ్ జావడేకర్ తెలిపారు.
ఇది ప్రయాణికుల భద్రత, రవాణా వ్యవస్థను బలోపేతం చేస్తుందన్నారు.
అలాగే రానున్న ఐదేళ్లలో సిగ్నల్ ఆధునికీకరణ, 5జీ స్పెక్ట్రమ్ను అందుబాటులోకి తెచ్చేందుకు రూ.25,000 కోట్లు కేటాయించింది కేంద్రం.
