ఉత్తర అమెరికా తెలుగు సంఘం(తానా) ఆధ్వర్యంలో ప్రవాస చిన్నారులకు తెలుగు భాష నేర్పించే “పాఠశాల” కార్యక్రమ 2021 విద్యా సంవత్సరాన్ని డల్లాస్‌లో ప్రారంభించారు. అంతర్జాలంలో నిర్వహించిన ఈ కార్యక్రమంలో తానా అధ్యక్షుడు లావు అంజయ్య చౌదరి ముఖ్య అతిధిగా పాల్గొని తెలుగు నేర్పించాలనే సంకల్పంతో తానా పాఠశాల ప్రారంభించామని, ఈ కార్యక్రమం ద్వారా చిన్నారులకు తెలుగు భాష చదవడం, రాయడం నేర్పిస్తామని పేర్కొన్నారు. పాఠశాల చైర్మన్ నాగరాజు నలజుల, డల్లాస్ తానా ప్రాంతీయ ప్రతినిధి సతీష్ కొమ్మన, పాఠశాల కో-ఆర్డినేటర్ వెంకట శివనాగరాజు తాడిబోయిన, తానా కార్యవర్గ సభ్యుడు లోకేష్ నాయుడు కొణిదెల, ఉపాధ్యాయులు కొర్రపాటి వెంకట్, అరుణ, వెంకటయ్య తదితరులు పాల్గొన్నారు.
