అమెరికాలోని పెన్సిల్వేనియా హైవేపై సోమవారం భారీగా మంచు కురిసింది. దట్టమైన మంచు ఏర్పడటంతో వాహనాల రాకపోకలకు అంతరాయం ఏర్పడింది. ఈ క్రమంలో ఒకదానికొకటి 50 నుంచి 60 వాహనాలు ఢీకొన్నాయి. ఈ ప్రమాదంలో ముగ్గురు మృతి చెందగా, పలువురు తీవ్రంగా గాయపడ్డారు. ఈ 60 వాహనాల్లో కార్లతో పాటు ట్రాక్టర్ ట్రాలీలు కూడా ఉన్నట్లు స్థానిక పోలీసులు తెలిపారు. హైవేపై ఉన్న మంచును తొలగించేందుకు అధికారులు చర్యలు చేపట్టారు. ఇలాంటి ఘటన జరగడం ఒకే నెలలో ఇది రెండోసారి అని పోలీసులు పేర్కొన్నారు. ఈ ప్రమాద ఘటనకు సంబంధించిన వీడియో సామాజిక మాధ్యమాల్లో వైరల్ అవుతోంది.