తెలుగు సంవత్సరాది ఉగాది వేడుకలను ఏప్రిల్ 2న ‘తెలుగు అసోసియేషన్ ఆఫ్ స్విట్జర్లాండ్’ వారు జ్యూరీచ్‌లో అక్రంగ వైభవంగా జరుపుకొన్నారు. తెలుగు సంస్కృతిని చాటి చెప్పేలా సాంస్కృతిక కార్యక్రమాలు, ఆట పాటలతో కనువిందుగా ఈ వేడుకలను నిర్వహించారు. స్విట్జర్లాండ్‌లో స్థిర పడిన 200 మంది తెలుగు వారు ఈ వేడుకలలో పాల్గొన్నారు. ఈ ఉగాది వేడుకలను తెలుగు అసోసియేషన్ ఆఫ్ స్విటర్లాండ్ ప్రెసిడెంట్ గనికాంబ కడలి, జనరల్ సెక్టరీ డా.దుర్గారావు కారంకి, ట్రెజరర్ మాధురి ముళ్ళపూడి, కల్చరల్ సెక్రెటరీ మాణిక్యవల్లి చాగంటి, స్పోర్ట్స్ సెక్రటరీ రామచంద్ర వుట్టి ఇతర తెలుగు అసోసియేషన్ సభ్యుల సహకారంతో నిర్వహించారు.
