NRI-NRT

బ్రిటన్‌లో 11 శాతం పెరిగిన ఇళ్ళ ధరలు

బ్రిటన్‌లో 11 శాతం పెరిగిన ఇళ్ళ ధరలు

బ్రిటన్‌లో గృహాల ధరలు 11 శాతం పెరిగాయి. కాగా… ఇంటి లోపల, వెలుపల ఎక్కువ స్థలాన్ని అందించే ప్రాపర్టీలపై ప్రీమియం ఉందని హాలిఫాక్స్ తెలిపింది. మొత్తంమీద దేశవ్యాప్తంగా ఇళ్ల ధరలు పెరుగుతూనే ఉన్నాయి. ఒక్క మార్చిలోనే 1.4 శాతం మేర ధరలు పెరగడం గమనార్హం. అంతేకాకుండా… సంవత్సరానికి 11 శాతం చొప్పున పెరుగుతూ వస్తున్నాయి. బ్రిటన్‌లో సగటు ఆస్తి ధర మార్చి 31న £ 282,573 గా ఉంది, హాలిఫాక్స్ హౌస్ ప్రైస్ ఇండెక్స్ నివేదిక ప్రకారం… లాక్‌డౌన్ తర్వాత రెండేళ్లలో 18.2 శాతం(£ 43,577) పెరిగింది. బ్రిటన్ అతిపెద్ద రుణదాతల్లో ఒకటైన తనఖా రుణదాత… ఇంటి లోపల/వెలుపల ఎక్కువ స్థలాన్ని అందించే ప్రాపర్టీలపై ప్రీమియం ఉందని చెప్పారు. కాగా… ఫ్లాట్‌ల ధరలు 10.6 శాతం(£15,404) మేర పెరిగాయి. గత రెండు సంవత్సరాలలో… వేరుపడ్డ ఆస్తి సగటు ధర అదే కాలంలో 21.3 శాతం(£ 77,717) పెరిగింది. ప్రాంతీయంగా చూస్తే… సౌత్ వెస్ట్ ఇంగ్లండ్‌లోని ఇళ్ల ధరలు 14.6 శాతంతో బలమైన ప్రదర్శన కనబరచిన వేల్స్‌ను అధిగమించాయి. సెప్టెంబరు 2004 నుండి వార్షిక పెరుగుదల అత్యధిక రేటు. ఆస్తి మరియు తనఖాల చట్టాలు పలు సవరణలకు లోనైన విషయం తెలిసిందే. ఈ ఏడాది ఏప్రిల్ 6 న(నిన్నటి నాటికి) సౌత్ వెస్ట్ ప్రాంతంలో సగటు ఇంటి ధర £ 298,162 గా ఉంది, ఇది ఈ ప్రాంతంలో రికార్డ్. నిరుడు జనవరి తర్వాత వేల్స్ అత్యధిక వార్షిక వృద్ధిని నమోదు చేయకపోవడం ఇదే మొదటిసారి. కాగా… గృహ ధరల ద్రవ్యోల్బణం 14.1 శాతం వద్ద బలంగా ఉండడం గమనార్హం. సగటు ఇంటి ధర £ 211,942… కాగా ఇది దేశంలోనే మరో ఆల్ టైమ్ హై. ఇక… ఉత్తర ఐర్లాండ్‌లో ఆస్తి ధరలు కూడా పెరుగుతూనే వస్తున్నాయి. ఇప్పుడు వార్షిక వృద్ధి 13 శాతం, సగటు ధర £ 177,265. స్కాట్లాండ్‌లో గృహాల ధరలు కూడా మరోసారి పెరిగినప్పటికీ… £ 194,621 తో కొత్త రికార్డుకు చేరుకుంది. వార్షిక వృద్ధి రేటు గత నెలలో 9.3 శాతం నుండి 8.2 శాతానికి పడిపోయింది. ఇతర ప్రాంతాల్లో సౌత్ ఈస్ట్ కూడా భారీ పెరుగుదలను నమోదు చేసింది, ఇంటి ధర 11.6 శాతం, సగటు ధర £ 385,790. గత సంవత్సరంలో ఈ ప్రాంతంలో ధరలు సగటున £ 40,177 మేర పెరిగాయి, లండన్ వెలుపల ఏ ఏ ప్రాంతంలోనైనా కేవలం 12 నెలల్లో £ 40 వేలు ప్లస్ పెరుగుదలను నమోదు చేయడం ఇదే మొదటిసారి. లండన్ కూడా దాని ఇటీవలి అప్‌వర్డ్ ట్రెండ్‌ను కొనసాగించింది, ఇప్పుడు ధరలు ఏటా సగటున 5.9 శాతం పెరుగుతున్నాయి.