‘జాతి రత్నాలు’ చిత్రంలో చిట్టి పాత్రలో యువతరం హృదయాల్ని దోచుకుంది హైదరాబాదీ సుందరి ఫరియా అబ్దుల్లా. ‘బంగార్రాజు’ చిత్రంలో ప్రత్యేకగీతంలో నర్తించి ఆకట్టుకుంంది. ప్రస్తుతం ఆమె తెలుగులో రవితేజ సరసన ‘రావణాసుర’ అనే చిత్రంలో నటిస్తున్నది. తాజాగా ఈ భామ తమిళంలో అరంగేట్రం చేయబోతున్నది. ‘బిచ్చగాడు’ ఫేమ్‌ విజయ్‌ ఆంటోని సరసన ఫరియా అబ్దుల్లా ఓ సినిమాలో నటించనున్నట్లు తెలిసింది. ఈ సినిమాకు సుసీంద్రన్‌ దర్శకత్వం వహించనున్నారు. ఈ చిత్రంలో పల్లెటూరి అమ్మాయిగా ఫరియా పాత్ర సాగుతుందని..తన పాత్రలోని కొత్తదనం నచ్చి ఆమె ఈ సినిమాకు ఓకే చెప్పిందని అంటున్నారు. తమిళ చిత్రసీమలో ఈ సినిమా తనకు శుభారంభాన్నిస్తుందనే విశ్వాసంతో ఉంది ఫరియా అబ్దుల్లా.
