యువ‌రాణి డ‌యానా పెండ్లి సంద‌ర్భంగా ధరించిన కిరీటాన్ని లండ‌న్‌లో సోత్‌బే నిర్వ‌హిస్తున్న ప్ర‌త్య‌క క్రౌన్ ఎగ్జిబిష‌న్‌లో ప్ర‌ద‌ర్శించ‌నున్నారు. 1981లో ప్రిన్సెస్ డ‌యానా ప్రిన్స్ చార్లెస్‌తో జ‌రిగిన పెండ్లి వేడుక‌లో ధరించిన క్రౌన్‌ను ఈ ఎక్స్‌పోలో ప్ర‌ద‌ర్శిస్తారు. క్వీన్ ఎలిజ‌బెత్ ప్లాటినం జుబ్లీ వేడుక‌ల సంద‌ర్భంగా ఈ ప్రత్యేక భారీ క్రౌన్ ఎగ్జిబిష‌న్‌ను నిర్వ‌హిస్తున్నారు. మే 28 నుంచి జూన్ 15 వ‌ర‌కూ ఈ ప్ర‌ద‌ర్శ‌న జ‌రుగుతుంది.ఈ ఎగ్జిబిష‌న్‌లో అద్భుతంగా రూపొందిన 50 ర‌కాల క్రౌన్‌ల‌ను ప్ర‌ద‌ర్శిస్తారు. వీటిలో కొన్ని పీస్‌ల‌ను తొలిసారిగా ప్ర‌జ‌ల ముందుంచుతున్నారు. ప్రిన్సెస్ డ‌యానా ఈ ప్రత్యేక క్రౌన్‌ను 1982 నుంచి 1992 మ‌ధ్య ఏడు సార్లు ధ‌రించారు. రాయ‌ల్ టూర్స్‌, ఇత‌ర హైప్రొఫైల్ ఈవెంట్స్‌లో ఆమె ఈ న‌గను ధ‌రించారు. ప్రసిద్ధ గార్లాండ్ స్టైల్ డిజైన్‌లో వజ్రాలతో కూడిన సెంట్రల్ హార్ట్ షేప్‌లో త‌యారుచేయ‌బ‌డిన ఈ క్రౌన్ ఆక‌ట్టుకుంటుంది.వెండి , బంగారంతో అమర్చబడిన నక్షత్రంతో ట్రంపెట్ ఆకారపు పువ్వులతో ఈ క్రౌన్ ప్ర‌త్యేకంగా డిజైన్ చేయ‌బ‌డింది. ఈ ఆభ‌ర‌ణం లేడీ డ‌యానా ఆమె అమ్మ‌మ్మ సింథియ హామిల్ట‌న్‌కు సెంటిమెంట‌ల్ క్రౌన్‌గా మారిందని చెబుతారు. లేడీ హామిల్ట‌న్‌కు 1919లో వివాహం సంద‌ర్భంగా ఈ క్రౌన్ బ‌హుమ‌తిగా అందింద‌ని సౌత్‌బే ఇన్‌స్టాగ్రాం పోస్ట్‌లో పేర్కొంది
