ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి ఈనెల 28న ఫ్రాన్స్‌ పర్యటనకు వెళ్లనున్నారు. తన పెద్ద కుమార్తె హర్ష.. అత్యంత ప్రతిష్టాత్మకమైన ఇన్‌సీడ్‌ బిజినెస్‌ స్కూల్‌లో పోస్ట్‌ గ్రాడ్యుయేషన్‌ (ఎంబీఏ) పూర్తి చేసుకోవడంతో.. గ్రాడ్యుయేషన్‌ డే వేడుకల్లో పాల్గొనేందుకు వెళ్తున్నారు. ఈ విషయాన్ని సీఎంవో తెలియజేసింది. 28వ తేదీ రాత్రి సీఎం జగన్ బయల్దేరనున్నారు. 29న ప్యారిస్‌కు చేరుకుంటారు. కుమార్తె గ్రాడ్యుయేషన్‌ డే వేడుకల్లో పాల్గొన్న తర్వాత.. జులై 2న తిరుగు ప్రయాణమవుతారు.
