తెలుగులో అనేక విజయవంతమైన చిత్రాల్లో నటించి మంచి గుర్తింపును సంపాదించుకుంది సీనియర్ నటి మాలాశ్రీ. ఆమె కుమార్తె రాధానా రామ్ కథానాయికగా అరంగేట్రం చేస్తున్న చిత్రం ఇటీవల బెంగళూరులో ప్రారంభమైంది. ఈ చిత్రంలో దర్శన్ హీరోగా నటిస్తున్నారు. రాక్లైన్ ప్రొడక్షన్స్ పతాకంపై రాక్లైన్ వెంకటేష్ నిర్మిస్తున్నారు. తెలుగు, కన్నడ, మలయాళ, తమిళం, హిందీ భాషల్లో తెరకెక్కిస్తున్న ఈ చిత్రానికి తరుణ్ సుధీర దర్శకుడు. ఈ సందర్భంగా మాలాశ్రీ మాట్లాడుతూ ‘రాధానాకు చిన్నప్పటి నుంచే నటన ఇష్టం. ముంబయిలో యాక్టింగ్, డ్యాన్స్లో ప్రత్యేక శిక్షణ తీసుకుంది. నా కూతురు స్వయంకృషితో పరిశ్రమలో రాణించాలని కోరుకుంటున్నా’ అని చెప్పింది.
