తాను ప్రేమలో ఉన్నాననే విషయాన్ని చెప్పకనే చెప్పింది అందాల భామ జాన్వీకపూర్‌. ముంబయికి చెందిన ప్రముఖ వ్యాపారవేత్త కుమారుడైన ఒర్హాన్‌తో జాన్వీకపూర్‌ గత కొంతకాలంగా సన్నిహితంగా ఉంటున్నది. విదేశీ విహారయాత్రల్లో ఈ జంట చెట్టపట్టాలేసుకొని షికారు చేసిన ఫొటోలు సోషల్‌మీడియాలో వైరల్‌గా మారాయి. ఒర్హాన్‌ తనకు మంచి స్నేహితుడని చాలా సందర్భాల్లో చెప్పింది జాన్వీకపూర్‌. తాజాగా ఓ మాసపత్రికకు ఇచ్చిన ఇంటర్వ్యూలో ఒర్హాన్‌ గురించి ఈ భామ మాట్లాడిన మాటలు విన్నవారు ఈ జంట ప్రేమలో ఉన్నారనే నిర్ణయానికొస్తున్నారు.
