ఉదయ్‌ శంకర్‌, జెన్నీ హీరో హీరోయిన్లుగా నటిస్తున్న సినిమా ‘నచ్చింది గర్ల్‌ ఫ్రెండూ’. శ్రీరామ్‌ ఆర్ట్స్‌ పతాకంపై అట్లూరి ఆర్‌ సౌజన్య సమర్పణలో అట్లూరి నారాయణరావు నిర్మిస్తున్నారు. గురు పవన్‌ దర్శకుడు. లవ్‌, థ్రిల్లర్‌గా రూపొందిన ఈ సినిమా ఈ నెల 11న విడుదలకు సిద్ధమవుతున్నది. ఈ సందర్భంగా చిత్ర విశేషాలు తెలిపింది నాయిక జెన్నిఫర్‌ ఇమ్మాన్యుయేల్‌. ఆమె మాట్లాడుతూ…‘ఈ సినిమాలో నేను సంధ్య అనే క్యారెక్టర్‌లో నటిస్తున్నాను. ఈ పాత్రకు రెండు భిన్నమైన షేడ్స్‌ ఉంటాయి. కొద్దిగా ప్రతినాయికలా అనిపిస్తాను. నా పాత్రకు ఒక ట్విస్ట్‌ కూడా ఉంటుంది. ఈ కథ విన్నప్పుడు తర్వాత సన్నివేశం ఎలా ఉండబోతుందనే ఆసక్తి కలిగింది.
