విదేశాల నుంచి భారతదేశానికి వచ్చే విమాన ప్రయాణికులకు తాజాగా భారత్ సర్కార్ శుభవార్త వెల్లడించింది.ఎయిర్ సువిధ పోర్టల్‌లో ఇన్‌కమింగ్ అంతర్జాతీయ ప్రయాణికులుపూరించాల్సిన సెల్ఫ్ డిక్లరేషన్ ఫారమ్ఇప్పుడు నిలిపివేశామని పౌర విమానయాన మంత్రిత్వ శాఖప్రకటించింది. కరోనావైరస్ కేసులు తగ్గుముఖం పట్టడం,ప్రపంచవ్యాప్తంగా,భారతదేశంలో కోవిడ్-19 వ్యాక్సినేషన్ కవరేజీలో గణనీయమైన పురోగతిని సాధించిన దృష్ట్యా ఈ చర్య తీసుకున్నట్లు కేంద్ర ప్రభుత్వం ప్రకటించింది.కేంద్ర ఆరోగ్య, కుటుంబ సంక్షేమ మంత్రిత్వ శాఖ సవరించిన అంతర్జాతీయ రాకపోకల మార్గదర్శకాలను తాజాగా విడుదల చేసింది. పౌర విమానయాన మంత్రిత్వ శాఖ తీసుకున్న ఈ నిర్ణయం నవంబర్ 22 అర్ధరాత్రి 12 గంటల నుంచి(మంగళవారం అర్దరాత్రి) అమల్లోకి రానుంది.
