నందమూరి తారకరామారావు
నిమ్మకూరులో జనించిన
నిష్టాగరిష్టుడు
సంసార సారథిగా సైకిలుపై పాలు అమ్మినాడు
మీసాలతో ఆడవేషము వేసినాడు
నాటకాలలో ఆరితేరినవాడు
హితులు స్నేహితులు చెప్పగా
సినిమాలకు వెళ్ళమని కోరగా
బయలుదేరే మదరాసుకు
తన తలరాత పరీక్షకు
మనదేశం సినిమాతో ప్రయాణము
ఆరు దశాబ్దాలు అలరించిన
సినీ గమనము
శ్రీరాముడిగా కృష్ణుడిగానే కాక
అనేక పౌరాణిక పాత్రలలో
పరకాయ ప్రవేశము చేసి
నటనలో జీవించి
జానపద చిత్రాలలో రాజుకైనా
మంత్రికైనా సేనా నాయకుడిగా
నైన ఏ పాత్రనైన మెప్పించిన నటుడు
క్షామములో కరువు కష్టకాల్లో
అలమటీంచే ఆంధ్రప్రదేశ్ ను
తన వెంట నడచిన నటులతో
జోల పట్టి ఆదుకున్న దయార్ద్ర
హృదయుడు
కాంగ్రెస్ హాయములో తెలుగు
వారికి జరుగుతున్న అవమానాలను చూసి
తెలుగు దేశం పార్టీ స్థాపించి
ఆంధ్ర అంతటా పర్యటించి
తొమ్మిది నెలల్లో విజయభేరీ మ్రోగించి
ప్రభుత్వాన్నిఏర్పరిచినధీశాలి
పేదల కడుపు నింప రెండు
రూపాయలకు కిలో బియ్యము
అందించిన కారుణ్యశీలి
ఆడపిల్లలకు ఆస్తిలో వాటా
కల్పించిన ఆర్ద్రత గలవాడు
రెడ్డి కరణ వ్యవస్థను రూపుమాపిన రుద్రుడు
విశ్వ విఖ్యాత నటసార్వభౌముడు
తెలుగు జాతి తెలుగు నేల
తెలుగు సినిమా తెలుగు ప్రజా
ఉన్నంత కాలము
తరగదు రామారావు యశము
నేటి తరానికి మార్గ నిర్దేశకుడు
రేపటి తరానికి మార్గ దర్శకుడు
పాలకులకు నిఘంటువతడు
ఎప్పటికి మరచిపోనీ మహానటుడు ఎన్. టి. ఆర్
ఆ పేరు వింటేనే వస్తుంది హుషారు!!