గూగుల్‌ తమ పిక్సెల్‌ వాచ్‌ 2ను ప్రపంచ వ్యాప్తంగా వచ్చే నెల 4న విడుదల చేయబోతోంది. ‘మేడ్‌ బై గూగుల్‌’ కార్యక్రమంలో దీన్ని ఆవిష్కరించనుంది. అక్టోబరు 5 నుంచి భారత్‌లోనూ ఇది అందుబాటులోకి వస్తుందని గూగుల్‌ ఇండియా ప్రకటించింది. ఫ్లిప్‌కార్ట్‌లో విక్రయానికి ఉంచుతామని తెలిపింది. దీంతోపాటు పిక్సెల్‌ 8 సిరీస్‌ ఫోన్లు, పిక్సెల్‌ బడ్స్‌ ప్రొ కూడా విడుదల కానున్నాయి. భారత్‌లో పిక్సెల్‌ 8 సిరీస్‌ ఫోన్ల ప్రీ ఆర్డర్లు వచ్చే నెల 5 నుంచే ప్రారంభం కానున్నాయి. ఇప్పటి వరకు పిక్సెల్‌ వాచ్‌ 2 ధర, ఇతర వివరాలను గూగుల్‌ వెల్లడించలేదు. డిజైన్‌కు సంబంధించిన వీడియోను మాత్రం ఎక్స్‌ (అంతక్రితం ట్విటర్‌)లో పోస్టు చేసింది. గతంలో వచ్చిన పిక్సెల్‌ వాచ్‌ తరహాలోనే ఇది కూడా ఉంది. అయితే పిక్సెల్‌ వాచ్‌ను మాత్రం అప్పుడు భారత్‌లో విడుదల చేయలేదు.
