న్యూజెర్సీలో ప్రధాని మోదీ జన్మదిన వేడుకలు

అమెరికాలోని న్యూజెర్సీ రాష్ట్రం ఎడిసన్ నగరంలో ఓవర్సీస్ బీజేపీ ఆధ్వర్యంలో భారత ప్రధాని నరేంద్ర మోదీ 76వ జన్మదినోత్సవం, తెలంగాణ విమోచన దినోత్సవాన్ని ఘనంగా నిర్వహించారు. తెలంగాణ విమోచన దినోత్సవాన్ని పురస్కరించుకుని తెలంగాణ చరిత్ర, నిజాం పాలన నుంచి విముక్తి కోసం సాగిన పోరాటం, ప్రజల త్యాగాలను స్మరించుకున్నారు. తెలంగాణ చరిత్రను భావితరాలకు తెలియజేయాల్సిన అవసరం ఉందని కార్యక్రమంలో పాల్గొన్న వక్తలు పేర్కొన్నారు. కృష్ణారెడ్డి అనుగుల, విలాస్ రెడ్డి జంబుల, అమర్ గోస్వామి, అనిత చద్దా, అమిత్ పాండ్యే, గుంజన్ మిశ్రా, సుమిత్ పాండ్యే, నిత దోషీ, స్మిత దోషీ తదితరులు పాల్గొన్నారు.