ఉత్తర అమెరికా తెలుగు సొసైటీ (నాట్స్) 7వ తెలుగు సంబరాలకు సర్వం సిద్ధమైనట్లు వేడుకల సమన్వయకర్త అప్పసాని శ్రీధర్, అధ్యక్షుడు నూతి బాపులు తెలిపారు. అమెరికా కాలమానం ప్రకారం 26వ తేదీ సాయంత్రం బ్యాంక్వెట్ విందుతో ఈ వేడుకలు ప్రారంభం కానున్నాయి. న్యూజెర్సీలోని ఎడిసన్‌లో న్యూజెర్సీ కన్వెన్షన్ సెంటరులో మూడు రోజుల పాటు జరిగే ఈ వేడుకల్లో పాల్గొనేందుకు ఇరు తెలుగు రాష్ట్రాల్లోని పలు రంగాలకు చెందిన ప్రముఖులతో పాటు అమెరికా-కెనడా దేశాల్లోని ప్రవాస తెలుగువారు భారీ సంఖ్యలో ఎడిసన్ చేరుకున్నారు. శుక్రవారం కార్యక్రమంలో ఎలీజియం బ్యాండ్, శనివారం కార్యక్రమంలో మణిశర్మ, ఆదివారం కార్యక్రమంలో తమన్ సందడి చేయనున్నారు.
* అతిథులు వీరే
అల్లు అరవింద్, చంద్రబోస్, సాయికుమార్, జొన్నవిత్తుల, వై.వీ.ఎస్, మలినేని గోపీచంద్, కొండవీటి జ్యోతిర్మయి, రామజోగయ్య శాస్త్రి, నేహాశెట్టి, అలీ, సమ్యుక్త మీనన్, కోదండరామిరెడ్డి, శివమణి, మీగడ రామలింగస్వామి తదితరులు పాల్గొననున్నారు.
* తొలిసారిగా మహిళ అష్టావధానం
అమెరికాలో తొలిసారిగా నాట్స్ 7వ తెలుగు సంబరాలు వేదికగా మహిళా అష్టావధానం నిర్వహిస్తున్నారు. ఆకెళ్ల బాలభాను తొలిసారిగా నాట్స్ సంబరాల్లో మహిళా అష్టావధానం నిర్వహించనున్నారు.
పూర్తి షెడ్యూల్ ఇక్కడ చూడవచ్చు – https://www.sambaralu.org/program-schedule.html
