‘‘జెంటిల్‌మన్‌ 2’ సినిమాలో నటించాలని నిర్మాత కేటీ కుంజుమోన్ గారు ఫోన్‌ చేసినప్పుడు చాలా ఎగ్జయిటింగ్‌గా ఫీలయ్యాను. ఓ బ్లాక్‌ బస్టర్‌ మూవీ ఫ్రాంచైజీలో భాగమవుతున్నందుకు సంతోషంగా ఉంది’’ అని హీరోయిన్‌ ప్రాచీ తెహ్లాన్ అన్నారు. అర్జున్, మధుబాల, శుభశ్రీ ప్రధాన పాత్రల్లో శంకర్‌ దర్శకత్వం వహించిన చిత్రం ‘జెంటిల్మేన్’. కేటీ కుంజుమోన్ నిర్మించిన ఈ సినిమా 1993లో విడుదలై బ్లాక్‌బస్టర్‌గా నిలిచింది. ఈ సినిమాకి సీక్వెల్‌గా ‘జెంటిల్‌మన్‌ 2’ నిర్మిస్తున్నారు కుంజుమోన్. చేతన్‌ చీను హీరోగా ఎ.గోకుల్‌ కృష్ణ దర్శకత్వం వహిస్తున్నారు.
