ఉక్రెయిన్లో జరుగుతున్న పరిణామాలపై యావత్ ప్రపంచం నివ్వెరపోతోంది. ప్రస్తుతం రష్యా చేస్తున్న దురాగతాలు చర్చనీయాంశంగా మారాయి. ఉక్రెయిన్లో వాటిల్లిన ప్రస్తుత పరిస్థితులపై ఒక్కొక్కరూ ఒక్కోలా నిర్ధరణకు వస్తున్నారు. ఈ అంశంపై రాజకీయ నాయకులే కాకుండా సినీ సెలబ్రిటీలు సైతం తమదైన శైలిలో స్పందిస్తున్నారు. ఉక్రెయిన్లో జరుగుతున్న పరిణామాలపై సోనూసూద్, గ్లోబల్ స్టార్ ప్రియాంక తదితరులు రియాక్ట్ అయిన సంగతి తెలిసిందే.
తాజాగా ఈ అంశంపై టాలీవుడ్ స్టార్ హీరోయిన్లు సమంత, కాజల్ అగర్వాల్ స్పందించారు. తమ అభిప్రాయాలను సోషల్ మీడియా వేదికగా ప్రకటించారు. ‘ఒకవేళ మీరు దీన్ని చదువుతుంటే ప్రపంచంలో శాంతి కోసం ప్రార్థించండి. ఆ శాంతి అందరి మనసుల్లో, ఇళ్లల్లో, ప్రతీ భూభాగంలో నిండాలని కోరుకోండి. ప్రతీ ఒక్కరూ శాంతిగా, సంతోషంగా జీవించడానికి అర్హులు. #ఉక్రెయిన్’ అంటూ సామ్ ప్రముఖ గాయని చిన్మయి పెట్టిన పోస్ట్ను షేర్ చేసింది. ఇక టాలీవుడ్ చందమామ కాజల్ అగర్వాల్ ఒక వీడియోను షేర్ చేస్తూ హార్ట్ బ్రోకెన్ ఎమోజీని క్యాప్షన్గా పెట్టింది. ఈ వీడియోను ప్రియాంక చోప్రా షేర్ చేయగా కాజల్ రీపోస్ట్ చేసింది.
