షార్లెట్‌లో వైభవంగా నాట్స్ తెలుగు సంబరాలు

ఉత్తర అమెరికా తెలుగు సొసైటీ (నాట్స్) ఉత్తర కరోలినా రాష్ట్రం షార్లెట్ నగరంలో తెలుగు సంబరాలు వైభవంగా నిర్వహించింది. తానా, జీటీఈ, ఏపీటీఈ వంటి తెలుగు సంస్థల ప్రతినిధులు ఈ వేడుకల్లో పాల్గొన్నారు. నాట్స్ అధ్యక్షుడు రాజ్ అల్లాడ కుటుంబసమేతంగా పాల్గొన్నారు. ఈ సంబరాలలో పాల్గొన్న చిన్నారులు, పెద్దలు తమ ప్రతిభను చాటి అలరించారు. శాస్త్రీయ సంగీతం, క్లాసికల్ డ్యాన్స్, ఫ్రీస్టైల్ నృత్యాలు ఆకట్టుకున్నాయి. 'సైన్స్ ఫెస్ట్'లో భాగమా డ్రై ఐస్, ప్లాస్మా బాల్ ప్రదర్శనల్లో పిల్లలు ఆసక్తిగా పాల్గొన్నారు.

నాట్స్ షార్లెట్ విభాగ ప్రతినిధులు దీపిక, అడ్వైజరీ సభ్యులు మూర్తి గులివిందల, నేషనల్ కోఆర్డినేటర్ వెంకట దగ్గుపాటి, నాట్స్ మాజీ చైర్మన్ మధు కొర్రపాటి, జోనల్ వైస్ ప్రెసిడెంట్ శ్రీకాంత్ పొనకాల, ఇండియా లయసన్ అరుణ్ శ్రీరామినేని, చాప్టర్ కోఆర్డినేటర్ దీపిక సయ్యపరాజు, జాయింట్ కోఆర్డినేటర్ పల్లవి అప్పని, ఈవెంట్స్ వినీల దొప్పలపూడి, వుమెన్ ఎంపవర్మెంట్ ప్రవీణ పాకలపాటి, ట్రెజరర్ లక్ష్మి బిజ్జల, స్పోర్ట్స్ సిద్ధార్థ చాగంటి, సోషల్ మీడియా సుమ జుజ్జూరు, కోచైర్ రూప మర్రిలు సహకరించారు.