నిత్యం టీ తాగే అలవాటు చాలా మందిలో ఉంటుంది. ఎక్కువగా ఛాయ్ తాగడం ఆరోగ్యానికి ప్రమాదకరమని వైద్యులు హెచ్చరిస్తున్నారు. నిత్యం ఛాయ్ రెండు కప్పులకు మించకుండా చూసుకోవాలని వారు సూచిస్తున్నారు
ఉదయం నిద్ర లేవగానే వేడి వేడి టీ గుట్క గొంతులోకి దిగందే చాలా మందికి తెల్లారినట్లు ఉండదు. మన ఇంటికి ఎవరైనా అతిథులు రాగానే ఛాయ్ ఆఫర్‌ చేస్తుంటాం. అలాగే, స్నేహితులు కలిసినప్పుడు కూడా టీ తీసుకుంటూ టైంపాస్‌ చేస్తుంటాం. అయితే, నిత్యం టీ తాగడం మన ఆరోగ్యానికి మంచిదేనా? ఎంత మేరకు ఛాయ్ తాగాలి? ఎక్కువ ఛాయ్‌తో సైడ్‌ ఎఫెక్ట్స్‌ ఏమైనా ఉంటాయా? అనే సందేహాలు మనల్ని తొలిచేస్తుంటాయి. తొలుత ఛాయ్‌ను చైనాలో వైద్యచికిత్సలో భాగంగా తాగే వారు. కాగా, ఇది వ్యసనంగా తయారై ఆరోగ్య సమస్యలు తెచ్చేలా మారింది.
ప్రతి రోజు రెండు కప్పుల కంటే ఎక్కువ కప్పులు తాగే వారి మరణాల ప్రమాదం 9 నుండి 13 శాతం తక్కువగా ఉన్నదని ఓ అధ్యయనంలో తేలింది. రోజుకు రెండు కప్పుల టీ మాత్రమే తీసుకుంటే మన ఆరోగ్యం ప‌దిలంగా ఉంటుంది. గ్రీన్ టీ తాగేవారిలో శరీరం బరువు తగ్గుతుంది. ఇక బ్లాక్ టీ తాగడం మనిషి ఆరోగ్యాన్ని మెరుగుపరుస్తుందని పలు పరిశోధనల్లో వెల్లడైంది.
