బెంగాల్ సీఎం మ‌మ‌తా బెన‌ర్జీకి.. ప్ర‌ధాని మోదీ జ‌ల‌క్ ఇచ్చారు. తృణమూల్ పార్టీకి చెందిన 40 మంది ఎమ్మెల్యేలు త‌న‌తో టచ్లో ఉన్నార‌ని మోదీ తెలిపారు. ఇవాళ పశ్చిమ బెంగాల్‌లోని సీరంపోర్‌లో జ‌రిగిన బ‌హిరంగ‌స‌భ‌లో ఆయ‌న ఈ వ్యాఖ్య‌లు చేశారు. మే 23వ తేదీన ఫ‌లితాలు వ‌స్తాయ‌ని, అప్పుడు అంత‌టా క‌మ‌లం విక‌సిస్తుంద‌ని, అప్పుడు తృణమూల్ ఎమ్మెల్యేలు ఆ పార్టీని వీడుతార‌ని మోదీ అన్నారు. త‌న‌తో ఇప్పుడు కూడా 40 మంది టీఎంసీ ఎమ్మెల్యేలు టచ్లో ఉన్నార‌ని దీదీకి జ‌ల‌క్ ఇచ్చారు. బెంగాల్ ప్ర‌జ‌ల‌ను దీదీ మోసం చేశార‌ని, ఇక ఇప్పుడు మ‌మ‌తా ఎన్నిక‌ల్లో నెగ్గ‌లేద‌న్నారు.
