కర్నూలు జిల్లా కప్పట్రాళ్ల గ్రామంలో ఉత్తర అమెరికా తెలుగు సంఘం (తానా) ఆధ్వర్యంలో జనవరి 12 వ తేదీన సంక్రాంతి సంబరాలు నిర్వహిస్తున్నట్లు తానా అధ్యక్షుడు జయశేఖర్ తాళ్లూరి, కార్యదర్శి రవి పొట్లూరి తెలియజేసారు. ఈ సంబరాలకు ముఖ్య అతిధిగా ఆంధ్రప్రదేశ్ రాష్ట్ర కార్మిక శాఖ మంత్రి శ్రీ గుమ్మనూరు జయరాం, విశిష్ట అతిధులుగా ఎంపీలు టీజీ వెంకటేష్, సంజీవ్ కుమార్ హాజరవుతున్నారు. దేవి యాడ్స్, కోరమాండల్ ఇంటర్నేషనల్ సంస్థలు కూడా ఈ సంబరాలకు తమ సహకారాన్ని అందజేస్తున్నాయి. సంక్రాంతి సంబరాలలో భాగంగా పురుషులకు, మహిళలకు, విద్యార్థులకు 21 విభాగాలలో ఆటల పోటీలు నిర్వహించనున్నట్లు కో-ఆర్డినేటర్ ముప్పా రాజశేఖర్ తెలిపారు.
