మెదడులో జ్ఞాపకాలు మొదలుకుని, అనుభూతుల వరకూ న్యూరాన్ల ద్వారా, వారి మధ్య జరిగే ఫైరింగ్‌ ద్వారా ఏర్పడుతూ ఉంటాయి. అయితే గుండెపోటు వచ్చినప్పుడు గానీ, అల్జీమర్స్‌ లాంటి జ్ఞాపకశక్తికి సంబంధించిన రుగ్మతల సమయంలో మెదడులో న్యూరాన్లు తీవ్రంగా ప్రభావితం అవుతాయి. ఈ నేపథ్యంలో పరిశోధకులు సిలికాన్‌ చిప్‌ల మీద పొందుపరచగలిగే కృత్రిమమైన న్యూరాన్లని అభివృద్ధి చేశారు. ఇవి మన నాడీవ్యవస్థలో ఉండే వివిధ రకాల న్యూరాన్ల లక్షణాలను పుణికి పుచ్చుకోగలుగుతాయి. ఒక న్యూరాన్‌ కేవలం 140 నానోవాట్స్‌ విద్యుత్‌ను మాత్రమే వినియోగించుకుంటుంది. ఒక మైక్రో ప్రాసెసర్‌కి మనం అందించే విద్యుత్‌లో ఇది బిలియన్‌ భాగం మాత్రమే. అంత తక్కువ విద్యుత్తుని తాను కూడా వినియోగించుకుంటూ న్యూరాన్ల లక్షణాలను ఈ తాజా ఆవిష్కరణ కలిగి ఉంటుంది. హార్ట్‌ ఫెయిల్యూర్‌, అల్జీమర్స్‌ వంటి సందర్భాలలో మెడికల్‌ ఇంప్లాంట్స్‌గా ఇవి ఉపయోగపడతాయి.
