కొవిడ్ నుంచి కోలుకున్న వారిలో పెరుగుతున్న గుండె పరిమాణం!
గుజరాత్ రాజ్కోట్లో 70 కార్డియోమెగాలి కేసులు నమోదైనట్లు అధికారులు తెలిపారు.
– కొవిడ్ నుంచి కోలుకున్నవారిలోనే ఈ వ్యాధి తీవ్రత ఉన్నట్లు పేర్కొన్నారు.
★ కరోనా వైరస్ రెండో దశ వ్యాప్తి నేపథ్యంలో మ్యూకోర్మైకొసిస్, బ్లాక్ ఫంగస్, మల్టీ సిస్టమ్ ఇన్ఫ్లమేటరీ సిండ్రోమ్(ఎమ్ఐఎస్) కేసులు వెలుగుచూశాయి.
★ అయితే.. గుజరాత్ రాజ్కోట్లో కొత్తగా 70కిపైగా కార్డియోమెగాలి(గుండె పరిమాణం పెరగడం) కేసులు నమోదైనట్లు అధికారులు వెల్లడించారు.
★ కొవిడ్ నుంచి కోలుకున్నవారిలో ఈ లక్షణాలు కనిపించినట్లు స్పష్టం చేశారు.
★ కార్డియోమెగాలి బాధితుల్లో.. 15 నుంచి 25 శాతం మంది కొరొనరీ హర్ట్ డిసీజ్ వల్లే మరణించారని అధికారులు తెలిపారు.
★ “కరోనా ఊపిరితిత్తులపై మాత్రమే ప్రభావం చూపదు. కొవిడ్ రోగుల్లో.. రక్తం గడ్డకట్టడం మొదలైన సమస్యలూ తలెత్తాయి. చాలా మంది కరోనా రోగులు కార్డియోమెగాలితో బాధపడుతున్నారు.” – డాక్టర్. సందీప్ హర్సోరా, ఐసీయూ స్పెషలిస్ట్.
పెరిగిన గుండెపోటు మరణాలు..
★ కొవిడ్ నుంచి కోలుకున్న 30-45 ఏళ్ల మధ్య వయసువారిలో గుండెపోటు మరణాలు కూడా పెరిగాయి.
★ అయితే.. వీరిలో గుండెపోటు లక్షణాలతో బాధపడ్డవారు తక్కువేనని అధికారులు తెలిపారు.
★ రక్తకణాలపై కొవిడ్ తీవ్ర ప్రభావం చూపిన నేపథ్యంలో.. కొరొనరీ హర్ట్ అటాక్ వంటి సమస్యలు తలెత్తుతాయి.
