ఆర్ఎక్స్ 100 ఫేం పాయల్ రాజ్ పుత్ ప్ర‌స్తుతం వెంకీమామ చిత్రంలో వెంకటేష్ స‌ర‌స‌న క‌థానాయిక‌గా న‌టిస్తుంది. ర‌వితేజ డిస్కోరాజా చిత్రంలోను ముఖ్య పాత్ర పోషిస్తుంది. అలాగే `RDX లవ్` అనే ఓ హీరోయిన్ ఓరియెంటెడ్ సినిమాలోను న‌టిస్తుంది. ప్ర‌స్తుతం త‌న కాల్షీట్స్‌ ఖాళీ లేకుండా చేసుకున్న ఈ అమ్మ‌డు సోష‌ల్ మీడియాలో చాలా యాక్టివ్‌గా ఉంటుంది. త‌న ఫోటోల‌తో పాటు సినిమాల‌కి సంబంధించిన పోస్ట‌ర్స్‌ని షేర్ చేస్తుంది. రీసెంట్‌గా త‌న ఇన్‌స్టాగ్రామ్‌లో ఓ వ్య‌క్తితో దిగిన ఫోటోని షేర్ చేస్తూ ఫొటోకు మూడు లవ్ సింబ‌ల్స్‌ని జత చేశారు. దాంతో నెటిజన్లు ప్రేమ‌లో ప‌డ్డావా పాయల్, అత‌ను నీ ప్రియుడా అంటూ కామెంట్లు పెడుతున్నారు. మ‌రి దీనిపై పూర్తి క్లారిటీ రావాలంటే పాయల్ స్పందించాల్సిందే.
