దర్శకధీరుడు రాజమౌళి తన డ్రీమ్ ప్రాజెక్ట్ మహాభారతం కథను త్వరలో తెరకెక్కించబోతున్నారని చాలా రోజులుగా వార్తలు చక్కర్లు కొడుతున్నాయి. ప్రస్తుతం రాజమౌళి ‘ఆర్ఆర్ఆర్ ‘సినిమా తెరకెక్కిస్తున్న విషయం తెలిసిందే. యంగ్ టైగర్ ఎన్టీఆర్, రామ్ చరణ్ కలిసి నటిస్తున్న ఈ సినిమాలో గిరిజన వీరుడు కొమరం భీమ్ గా ఎన్టీఆర్, మన్యం వీరుడు అల్లూరిగా రామ్ చరణ్ నటిస్తున్నారు. ఆ తర్వాత రాజమౌళి మహాభారతం కథను తెరకెక్కిస్తారన్న వార్తలపై జక్కన స్పందించారు. ఇటీవల జరిగిన ఓ ఇంటర్వ్యూలో రాజమౌళి మాట్లాడుతూ… మహాభారతం తెరకెక్కించాలి అంటే బాహుబలి సినిమా కంటే పది రేట్లు ఎక్కువగా కష్టపడాలని.. నేను ఒకవేళ ఈ సినిమాను మొదలుపెడితే అది పూర్తి చేయడానికి నాకు 10 ఏళ్ళ సమయం పడుతుంది అని తెలియజేశారు. అయితే కరోనా బారిన పడిన రాజమౌళి కుటుంబ సభ్యులు మొత్తం ఈ మధ్యే ఆ వైరస్ బారినుండి బయటపడ్డారు. ఇక జక్కన ప్రస్తుతం తెరకెక్కిస్తున్నా ఆర్ఆర్ఆర్ సినిమా షూటింగ్ కరోనా కారణంగా వాయిదా పడింది.
