గుంటూరు జిల్లా వట్టిచెరుకూరు మండలం పుల్లడిగుంట గ్రామంలో తానా ఆధ్వర్యంలో ఎరువులు పంపిణీ జరిగింది. తానా ఫౌండేషన్ కోశాధికారి పోలవరపు శ్రీకాంత్, మాజీ జెడ్పిటిసి ఉప్పుటూరి సీతామహాలక్ష్మిలు ఎరువుల పంపిణిని ప్రారంభించారు. ప్రవాసాంధ్రుడు ఉప్పుటూరి రామ్ చౌదరి ఆర్థిక సహకారంతో ఈ కార్యక్రమం చేపట్టినట్లు శ్రీకాంత్ చెప్పారు. ఈకార్యక్రమంలో మాజీ గ్రామ ఉపసర్పంచ్ ఉప్పుటూరు చిన్న రాములు, తెలుగుదేశం నాయకులు గుంటుపల్లి సదాశివరావు, శ్రీనివాసరావు, షేక్ కాలేశా వలి తదితరులు పాల్గొన్నారు.
